Blómaskreytingabraut
Uppbygging námsins Nám á blómaskreytingabraut skiptist í bóklegt nám, 4 annir við Garðyrkjuskóla ríkisins og verklegt nám í alls 17 mánuði á viðurkenndum verknámsstað undir handleiðslu verknámskennara. Af 17 mánaða verknámi eru 14 mánuðir dagbókarskyldir og er dagbók metin til einkunnar. Alls er námið 136 einingar, 76 einingar bóklegt og 60 einingar verknám.
Starfsvettvangur Starfsvettvangur útskrifaðra nemenda er blómaverslanir og blómaheildsölur, sala og ráðgjöf til viðskiptavina. Aðstoð við vöruuppsetningu í verslunum. Verslunarstjórar blómaverslana.
Inntökuskilyrði Bóknám og verklegar æfingar fara fram við skólann en verknám fer fram úti í atvinnulífinu á verknámsstöðum, sem skólinn þarf að samþykkja fyrirfram og eru í samræmi við þá braut, sem nemandi hefur valið að stunda nám á. Gert er ráð fyrir að umsækjandi hafi lokið 12 vikna reynslutíma við alhliða blómaverslunarstörf, auk hluta af verknámi áður en þeir hefja bóknám. Umsækjandi þarf að hafa lokið tveimur til fjórum önnum í framhaldsskóla. Verslunarpróf er æskilegur undirbúningur, auk eða íslensku (6e), dönsku (4e), ensku (4e) og stærðfræði (4e) er ætlast til að nemendur hafi lokið grunnáföngum í, viðskiptagreinum (5e) og tölvufræði (3e). Heimilt er að meta reynslu úr atvinnulífi til hluta fornáms á framhaldsskólastigi og er það skoðað hverju sinni. Umsókn um skólavist skulu fylgja prófskírteini frá framhaldsskóla, vottorð um verklegt nám og reynslutíma og ósk um samþykki verknámsstaðar.
Verknám 72 vikur (17 mánuðir) þar af 60 vikur (14 mánuðir) dagbókarskylt.
Markmið blómaskreytingabrautar:
· Nemendur öðlist þekkingu í almennum blómaskreytingum og þekki stílbrigði blómaskreytinganna.
· Nemendur fái innsýn í rekstur blómaverslanna.
· Nemendur kunni skil á helstu tegundum afskorinna blóma og greina (tré, runnar, fjölærar plöntur og sumarblóm). Þekki allar helstu tegundir pottaplantna.
· Nemendur öðlist færni til að standast sveinspróf í greininni
þannig að þeir geti:
· starfað sjálfstætt sem blómaskreytar
· tekið að sér verslunarstjórn og/eða rekstur blómaverslunar
· leiðbeint almenningi við val og meðferð helstu tegunda afskorinna blóma, greina og pottaplantna.
Skipulag blómaskreytingabrautar
( ein. = einingar á önn )
Verknám 72 vikur (17 mánuðir) þar af 60 vikur (14 mánuðir) dagbókarskylt – alls 60 einingar
Til baka - efst á síðu
Garð- og skógarplöntubraut
Uppbygging námsins Nám á garðplöntubraut skiptist í bóklegt nám, 4 annir við Garðyrkjuskóla ríkisins og verklegt nám í alls 17 mánuði á viðurkenndum verknámsstað undir handleiðslu garðyrkjufræðings. Af 17 mánaða verknámi eru 14 mánuðir dagbókarskyldir og er dagbók metin til einkunnar. Alls er námið 136 einingar, 76 einingar bóklegt og 60 verknám.
Starfsvettvangur Starfsvettvangur útskrifaðra nemenda er garð- og skógarplöntuframleiðsla í garð- og skógarplöntustöðvum, sala og ráðgjöf til viðskiptavina. Aðstoð við tilraunir og rannsóknir. Verkstjórar. Garðyrkjustjórar.
Inntökuskilyrði Bóknám og verklegar æfingar fara fram við skólann en verknám fer fram úti í atvinnulífinu á verknámsstöðum, sem skólinn þarf að samþykkja fyrirfram og eru í samræmi við þá braut, sem nemandi hefur valið að stunda nám á. Gert er ráð fyrir að umsækjandi hafi lokið 12 vikna reynslutíma við alhliða garðyrkjustörf auk hluta af verknámi áður en þeir hefja bóknám. Umsækjandi þarf að hafa lokið tveimur til fjórum önnum í framhaldsskóla. Auk íslensku (6e), dönsku (4e), ensku (4e) og stærðfræði (4e) er ætlast til að nemendur hafi lokið grunnáföngum í efnafræði (3e), líffræði (3e), viðskiptagreinum (5e) og tölvufræði (3e). Heimilt er að meta reynslu úr atvinnulífi til hluta fornáms á framhaldsskólastigi og er það skoðað hverju sinni. Umsókn um skólavist skulu fylgja prófskírteini frá framhaldsskóla, vottorð um verklegt nám og reynslutíma og ósk um samþykki verknámsstaðar.
Verknám 72 vikur (17 mánuðir) þar af 60 vikur (14 mánuðir) dagbókarskylt.
Markmið garðplöntubrautar
· Nemendur öðlist færni og þekkingu í fjölgun og uppeldi garð- og skógarplantna við íslenskar aðstæður, þekki allar helstu fjölgunaraðferðir plantna, jarðvegsgerðir, áburðargjöf, klippingu á plöntum í uppeldi, herðingu og áframhaldandi ræktun.
· Nemendur fái innsýn í rekstur garð- og skógarplöntustöðva og félagskerfi garðyrkjunnar
· Nemendur kunni skil á helstu tegundum garð- og skógarplantna (tré, runnar, fjölærar plöntur og sumarblóm auk forræktaðra matjurta).
· Nemendur öðlist færni til að standast sveinspróf í greininni
þannig að þeir geti:
· tekið að sér verkstjórn og/eða rekstur garð- og skógarplöntustöðva eða annarrar starfsemi sem lýtur að ræktun, fjölgun og uppeldi garð- og skógarplantna.
· leiðbeint almenningi við val, ræktun og meðferð helstu tegunda garð- og skógarplantna, tekið að sér aðra verkstjórn og stjórnunarstörf innan græna geirans eftir atvikum og reynslu viðkomandi
Skipulag garð- og skógarplöntubrautar
( ein. = einingar á önn )
Verknám 72 vikur (17 mánuðir) þar af 60 vikur (14 mánuðir) dagbókarskylt – alls 60 einingar
Til baka - efst á síðu
Skógræktarbraut
Uppbygging námsins Nám á skógræktar- og umhverfisbrautum er sameiginlegt fyrstu 3 annirnar en skiptist á 4. önn í sérfög umhverfisbrautar og skógræktarbrautar. Nám á skógræktar- og umhverfisbrautum Garðyrkjuskólans telst starfsréttindanám og er sem slíkt lánshæft hjá LÍN samkvæmt 20 ára reglunni.
Starfsvettvangur útskrifaðra nemenda verði m.a. við eftirlit, verkstjórn og fræðslu á sviði náttúruumönnunar (skógrækt, náttúruvernd, uppgræðsla, umhverfistækni).
Inntökuskilyrði Bóknám og verklegar æfingar fara fram við skólann en verknám fer fram úti í atvinnulífinu á verknámsstöðum, sem skólinn þarf að samþykkja fyrirfram og eru í samræmi við þá braut, sem nemandi hefur valið að stunda nám á. Gert er ráð fyrir að umsækjandi hafi lokið 12 vikna reynslutíma við alhliða garðyrkjustörf auk hluta af verknámi áður en þeir hefja bóknám. Umsækjandi þarf að hafa lokið tveimur til fjórum önnum í framhaldsskóla. Auk íslensku (6e), dönsku (4e), ensku (4e) og stærðfræði (4e) er ætlast til að nemendur hafi lokið grunnáföngum í efnafræði (3e), líffræði (3e), viðskiptagreinum (5e) og tölvufræði (3e). Heimilt er að meta reynslu úr atvinnulífi til hluta fornáms á framhaldsskólastigi og er það skoðað hverju sinni. Umsókn um skólavist skulu fylgja prófskírteini frá framhaldsskóla, vottorð um verklegt nám og reynslutíma og ósk um samþykki verknámsstaðar.
Verknám 72 vikur (17 mánuðir) þar af 60 vikur (14 mánuðir) dagbókarskylt.
Yfirmarkmið Allir nemendur brautanna öðlist innsýn í vistfræði, náttúruauðlindir og náttúruumönnun.
· Vistfræði: nemendur öðlist þekkingu á uppbyggingu vistkerfa og helstu vistfræðilegu vandamálum Íslands og hvaða vistfræðilegu forsendur þurfa að vera til staðar til að breyta megi auðn í frjósamt land.
· Náttúruumönnun: Nemendur kunni skil á helstu þáttum í skipulagningu sumardvalarstaða þ.m.t. tjaldstæða og annara útivistarsvæða og göngustígagerð. Nemendur verði færir um að meta ástand lands (landlæsi) ekki síst beitarsvæða og helstu úrræði við landgræðslu.
· Náttúruauðlindir: Nemendur kunni skil á helstu forsendum sjálfbærrar þróunar og helstu auðlindum Íslands að auðlindum sjávar undanskildum.
Sértæk markmið skógræktarbrautar. Nemendur öðlist færni og þekkingu á sviði skógræktar, þ.m.t. á sviði
· plöntuþekkingar þ.e. kunni skil á helstu tegundum sem nýttar eru til skógræktar og grisjunar
· nýtingu viðar sem fellur til við grisjun og við lokavinnslu
· skógræktaráætlana, forsendum og verklagi við samningu þeirra
· verkstjórnar
· jarðvinnslu og áburðargjafar við nýskógrækt
þannig að þeir geti:
· aðstoðað skógfræðinga við gerð skógræktaráætlana
· í vissum tilvikum leiðbeint skógræktaraðilum um verklegar framkvæmdir á sviði skógræktar
· tekið að sér verkstjórn á sviði skógræktar
Skipulag skógræktarbrautar
( ein. = einingar á önn )
Verknám 72 vikur (17 mánuðir) þar af 60 vikur (14 mánuðir) dagbókarskylt – alls 60 einingar
Til baka - efst á síðu
Skrúðgarðyrkjubraut
Uppbygging námsins Skrúðgarðyrkja er lögfest iðngrein og stunda nemendur samningsbundið iðnnám hjá viðurkenndum skrúðgarðyrkjumeistara. Bóklegt nám í skrúðgarðyrkju fer fram við Garðyrkjuskólann og tekur námið 4 annir. Verklegt nám er alls 17 mánuðir. Af 17 mánaða verknámi eru 14 mánuðir dagbókarskyldir og er dagbók metin til einkunnar. Alls er námið 136 einingar, 76 einingar bóklegt og 60 verknám. Nám á skrúðgarðyrkjubraut er lánshæft hjá LÍN samkvæmt 20 ára reglunni.
Starfsvettvangur Skrúðgarðyrkjumenn hjá skrúðgarðyrkjumeisturum, bæjar- og sveitarfélögum, fyrirtækjum og stofnunum. Sjálfstætt starfandi skrúðgarðyrkjumeistarar (eftir nám í meistaraskóla). Garðyrkjustjórar hjá bæjar- og sveitarfélögum, fyrirtækjum og stofnunum.
Inntökuskilyrði Gert er ráð fyrir því að nemendur sem innritast á skrúðgarðyrkjubraut séu komnir á námssamning hjá viðurkenndum skrúðgarðyrkjumeistara og hafi lokið 12 vikna reynslutíma og hluta verknáms áður en þeir hefja bóknám. Umsækjandi þarf að hafa lokið 2-4 önnum í framhaldsskóla. Auk íslensku (6e), dönsku (4e), ensku (4e) og stærðfræði 4(e) er ætlast til að nemendur hafi lokið grunnáföngum í efnafræði (3e), líffræði (3e), viðskiptagreinum (5e) og tölvunarfræði (3e). Heimilt er að meta reynslu úr atvinnulífi til hluta fornáms á framhaldsskólastigi og er það skoðað hverju sinni. Umsókn um skólavist skulu fylgja prófskírteini frá framhaldsskóla, vottorð um reynslutíma og námssamningur í skrúðgarðyrkju.
Verknám 72 vikur (17 mánuðir) þar af 60 vikur (14 mánuðir) dagbókarskylt.
Markmið námsins.
· Veita fræðslu um undirstöðuatriði við byggingu garða og viðhald þeirra
· Nemendur öðlist færni í þekkingu á helstu plöntuhópum, jafnt í sumar- og vetrarbúningi
· Nemendur öðlist færni í hellulögnum, hleðslum, tröppugerð, landmælingum, klippingu trjáa og runna og umhirðu þeirra.
· Nemendur fái innsýn í rekstur á skrúðgarðafyrirtæki og félagskerfi garðyrkjunnar
· Nemendur öðlist færni til að standast sveinspróf í skrúðgarðyrkju
Skipulag skrúðgarðyrkjubrautar
( ein. = einingar á önn )
Verknám 72 vikur (17 mánuðir) þar af 60 vikur (14 mánuðir) dagbókarskylt – alls 60 einingar
Til baka - efst á síðu
Umhverfisbraut
Uppbygging námsins Nám á skógræktar- og umhverfisbrautum er sameiginlegt fyrstu 3 annirnar en skiptist á 4. önn í sérfög umhverfisbrautar og skógræktarbrautar. Nám á skógræktar- og umhverfisbrautum Garðyrkjuskólans telst starfsréttindanám og er sem slíkt lánshæft hjá LÍN samkvæmt 20 ára reglunni.
Starfsvettvangur útskrifaðra nemenda verði m.a. við eftirlit, verkstjórn og fræðslu á sviði náttúruumönnunar (skógrækt, náttúruvernd, uppgræðsla, umhverfistækni).
Inntökuskilyrði Bóknám og verklegar æfingar fara fram við skólann en verknám fer fram úti í atvinnulífinu á verknámsstöðum, sem skólinn þarf að samþykkja fyrirfram og eru í samræmi við þá braut, sem nemandi hefur valið að stunda nám á. Gert er ráð fyrir að umsækjandi hafi lokið 12 vikna reynslutíma við alhliða garðyrkjustörf auk hluta af verknámi áður en þeir hefja bóknám. Umsækjandi þarf að hafa lokið tveimur til fjórum önnum í framhaldsskóla. Auk íslensku (6e), dönsku (4e), ensku (4e) og stærðfræði (4e) er ætlast til að nemendur hafi lokið grunnáföngum í efnafræði (3e), líffræði (3e), viðskiptagreinum (5e) og tölvufræði (3e). Heimilt er að meta reynslu úr atvinnulífi til hluta fornáms á framhaldsskólastigi og er það skoðað hverju sinni. Umsókn um skólavist skulu fylgja prófskírteini frá framhaldsskóla, vottorð um verklegt nám og reynslutíma og ósk um samþykki verknámsstaðar.
Verknám 72 vikur (17 mánuðir) þar af 60 vikur (14 mánuðir) dagbókarskylt.
Yfirmarkmið Allir nemendur brautanna öðlist innsýn í vistfræði, náttúruauðlindir og náttúruumönnun.
· Vistfræði: nemendur öðlist þekkingu á uppbyggingu vistkerfa og helstu vistfræðilegu vandamálum Íslands og hvaða vistfræðilegu forsendur þurfa að vera til staðar til að breyta megi auðn í frjósamt land.
· Náttúruumönnun: Nemendur kunni skil á helstu þáttum í skipulagningu sumardvalarstaða þ.m.t. tjaldstæða og annara útivistarsvæða og göngustígagerð. Nemendur verði færir um að meta ástand lands (landlæsi) ekki síst beitarsvæða og helstu úrræði við landgræðslu.
· Náttúruauðlindir: Nemendur kunni skil á helstu forsendum sjálfbærrar þróunar og helstu auðlindum Íslands að auðlindum sjávar undanskildum.
Sértæk markmið umhverfisbrautar. Nemendur öðlist færni og þekkingu á sviði umhverfistækni, einkum í
· helstu örverustarfsemi í niðurbrotsferlum og hringrásir helstu næringar- og stoðefna í endurvinnslu lífrænna auðlinda
· lögum, reglum, hugtökum og verklagi við framkvæmd Staðardagskrár 21
þannig að þeir geti:
· stýrt moltugerð og meðferð lífrænna auðlinda t.d. sveitarfélaga
· stýrt og tekið þátt í starfi við framkvæmd Staðardagskrár 21 eða hliðstæðra áætlana
· stýrt framkvæmdum og rekstri á sviði náttúruumönnunar þ.m.t. útivistarsvæða
Skipulag umhverfisbrautar
( ein. = einingar á önn )
Verknám 72 vikur (17 mánuðir) þar af 60 vikur (14 mánuðir) dagbókarskylt – alls 60 einingar
Til baka - efst á síðu
Ylræktarbraut
Uppbygging námsins Nám á ylræktarbraut skiptist í bóklegt nám, 4 annir við Garðyrkjuskóla ríkisins og verklegt nám í alls 17 mánuði á viðurkenndum verknámsstað undir handleiðslu garðyrkjufræðings. Af 17 mánaða verknámi eru 14 mánuðir dagbókarskyldir og er dagbók metin til einkunnar. Alls er námið 136 einingar, 76 einingar bóklegt og 60 einingar verknám.
Starfsvettvangur Starfsvettvangur útskrifaðra nemenda er ylræktar- og útimatjurtaframleiðsla, sala og ráðgjöf til viðskiptavina. Aðstoð við tilraunir og rannsóknir. Verkstjórar. Garðyrkjustjórar.
Inntökuskilyrði Bóknám og verklegar æfingar fara fram við skólann en verknám fer fram úti í atvinnulífinu á verknámsstöðum, sem skólinn þarf að samþykkja fyrirfram. Starfsnám á verknámsstað skal vera í samræmi við þá braut, sem nemandi hefur valið að stunda nám á. Gert er ráð fyrir að umsækjandi hafi lokið 12 vikna reynslutíma við alhliða garðyrkjustörf auk hluta af verknámi áður en þeir hefja bóknám. Umsækjandi þarf að hafa lokið tveimur til fjórum önnum í framhaldsskóla. Auk íslensku (6e), dönsku (4e), ensku (4e) og stærðfræði (4e) er ætlast til að nemendur hafi lokið grunnáföngum í efnafræði (3e), líffræði (3e), viðskiptagreinum (5e) og tölvufræði (3e). Heimilt er að meta reynslu úr atvinnulífi til hluta fornáms á framhaldsskólastigi og er það skoðað hverju sinni. Umsókn um skólavist skulu fylgja prófskírteini frá framhaldsskóla, vottorð um verklegt nám og reynslutíma og ósk um samþykki verknámsstaðar.
Verknám 72 vikur (17 mánuðir) þar af 60 vikur (14 mánuðir) dagbókarskylt.
Markmið ylræktarbrautar
· Nemendur öðlist færni og þekkingu í fjölgun, uppeldi og ræktun helstu tegunda grænmetis, afskorinna blóma og pottaplantna sem ræktaðar eru við
íslenskar aðstæður. Þekki auk þess jarðvegsgerðir og kunni skil á vökvun og áburðargjöf, loftslagsstýringu í lengri og skemmri ræktun og helstu sjúkdómum og tegundum meindýra sem herja á nytjaplöntur.
· Nemendur fái innsýn í rekstur garðyrkjustöðva og félagskerfi garðyrkjunnar
· Nemendur kunni skil á helstu tegundum í ylrækt
þannig að þeir geti:
· tekið að sér verkstjórn og/eða rekstur garðyrkjustöðva eða annarrar starfsemi sem lýtur að ræktun, fjölgun og uppeldi afskorinna blóma, pottablóma, og/eða grænmetis
· leiðbeint almenningi við val, ræktun og meðferð helstu tegunda ylræktar og útimatjurta
· tekið að sér aðra verkstjórn og stjórnunarstörf innan græna geirans eftir atvikum og reynslu viðkomandi
Skipulag ylræktarbrautar
( ein. = einingar á önn )
Verknám 72 vikur (17 mánuðir) þar af 60 vikur (14 mánuðir) dagbókarskylt – alls 60 einingar
Til baka - efst á síðu
Áfangalýsingar
Áföngum er raðað í stafrófsröð, eftir áfanganúmerum. Athugið töflu yfir skipulag hverrar brautar til að sjá hvaða áfangar tilheyra hverri braut. Margir áfangar tilheyra fleiri en einni braut.
AÐA 113 Aðalverkefni
Umsjón: Brautarstjóri á viðkomandi starfsmenntabraut
Námsefni: Ýmis rit um samningu heimildaritgerða
Markmið: Að nemandi hafi tileinkað sér grundvallarvinnubrögð í samningu ritgerðar m.a. með afmörkun viðfangsefnis, í heimildaleit og heimildanotkun, í uppsetningu og frágangi. Einnig að nemandi geti kynnt meginatriði og niðurstöður verkefnisins með stuttum fyrirlestri.
Lýsing: Nemandi velur sér ritgerðar- eða rannsóknarverkefni á vorönn fyrri vetrar sem unnið er undir leiðsögn kennara á vorönn seinni vetrar. Verkefninu skal skila fullunnu í 11. kennsluviku í þremur eintökum, en auk þess þarf nemandi að halda eftir einu eintaki fyrir sig. Farið verður í gegnum grunnatriði ritgerðarsmíðar og nemendur þjálfaðir í framsetningu ritgerðar í máli og myndum. Ætlast er til að nemendur kynni verkefni sín opinberlega á sérstökum kynningardegi, tveimur vikum fyrir skiladag verkefnisins.
ABG 112 Afskorin blóm og greinar I
Kennari: Björn Gunnlaugsson, cand.agro., bjorng@lbhi.is
Námsefni: Trygg, Björn. 2001 Blomsterglädje. Allt om snittblomor. Natur och kultur/LTs forlag
Markmið: Að nemandi þekki algengustu tegundir af afskornum blómum og greinum, hafi skilning á notkunarmöguleikum hverrar tegundar, geti lagt mat á gæði afskorinna blóma og þekki til uppskerutíma og árstíðabundins framboðs afskorinna blóma.
Lýsing: Í áfanganum verður lögð áhersla á að nemendur læri að þekkja algengar tegundir afskorinna blóma og greina. Fjallað verður í stuttum máli um a.m.k. 150 tegundir sem eru á markaði hérlendis með áherslu á latneskt og íslenskt heiti, ætt og uppruna, útlitseinkenni, yrki, blómliti, ilm, notkunarmöguleika, gæðamat og endingu. Innflutningur og árstíðabundið framboð afskorinna blóma.
ABG 213 Afskorin blóm og greinar II
Lokið áður: Afskorin blóm og greinar I
Kennari: Björn Gunnlaugsson, cand.agro., bjorng@lbhi.is
Námsefni: Ljósrit og annað efni eftir ábendingum kennara.
Markmið: Að nemandi fái innsýn í ræktun algengustu tegunda afskorinna blóma hér á landi, þekki ferli blómanna frá framleiðanda til neytanda, kunni skil á þáttum sem hafa áhrif á endingu afskorinna blóma og kunni skil á notkun endingarefna og hvernig hægt er að auka líftíma blómanna með réttri meðhöndlun.
Lýsing: Í áfanganum verður lögð áhersla á ræktun afskorinna blóma ásamt geymslu og vörumeðhöndlun. Fjallað verður almennt um ræktun í gróðurhúsum og farið ítarlega í ræktun á 10 algengum tegundum afskorinna blóma sem ræktuð eru hér á landi. Fjallað um ferlið frá framleiðanda til neytanda (meðferð blómanna, kæling, flutningur, geymsla, pökkun, frágangur og umhirða í blómaverslunninni). Fjallað ítarlega um endingarefni fyrir afskorin blóm og hvar, hvenær og hvernig er hægt að auka endingu þeirra. Tilraun með áhrif mismunandi vasavatns á endingu afskorinna rósa.
ÁBU 112 Áburðargjöf og sýnataka
Kennari: Björn Gunnlaugsson, cand.agro., bjorng@lbhi.is
Námsefni: Bævre, O.A og Gisleröd, H.R. 1992. Plantedyrkning i regulert klima. Lantbruksforlaget, Oslo.
Markmið: Að nemandi þekki helstu næringarefni í jarðvegi og ræktunarefni og í hvaða formi þau eru; þekki helstu áburðartegundir tilbúins og lífræns áburðar; kunni skil á grunnatriðum áburðarblandara; kunni skil á pH hugtakinu og hvernig breyta má pH í ræktunarefni með einföldum aðgerðum; þekki helstu skortseinkenni í plöntum og viðbrögð við skorti; kunni skil á áburðarforskriftum og útreikningum þeim tengdum; þekki til sýnatökuaðferða og helstu efnagreininga sem fá má hérlendis.
Lýsing: Farið verður í eftirfarandi atriði í fyrirlestrum og æfingum: Inngangur að næringu plantna, aðalnæringarefni og snefilefni, upptaka næringarefna, umhverfisbreytur (pH o.fl.), rætur og starfsemi róta, áburðartegundir, lífrænn áburður, vatnsgæði, blöndun áburðar, útfellingar, sýrur, áburðarblandarar, pH stjórnun, forskriftir og útreikningar, áburðaráætlanir, áburðarfræði einstakra tegunda og hópa plantna við íslenskar aðstæður, sýnataka og efnagreiningar jarðvegssýna, sýnataka og efnagreiningar blaðsýna, skortseinkenni, lyklar til greininga á skortseinkennum. Í byrjun námskeiðs verður sett af stað langtímatilraun sem nemendur annast í gróðurhúsi þar sem framkallaður verður skortur á nokkrum aðalnæringarefnum í nytjaplöntum. Skila á skýrslu í lok tilraunar sem metin er til einkunnar.
AFS 115 Ylræktun afskorinna blóma
Lokið áður: Hagnýt ræktunarverkefni
Kennari: Björn Gunnlaugsson, cand.agro., bjorng@lbhi.is
Námsefni: Berland, M. Og Gisleröd, H. R. 2000. Produksjon af snittblomster. Landbruksforlaget.
Markmið: Að nemandi þekki til ylræktunar á öllum algengum tegundum afskorinna blóma.
Lýsing: Fjölærar, tvíærar og einærar tegundir blómstrandi og grænna plantna og blómlaukar til afskurðar. Tekin eru fyrir eftirfarandi atriði í umfjöllun um hverja tegund eftir því sem við á: Uppruni, grasafræðileg lýsing, latneskt heiti, íslenskt heiti, ræktun lauka erlendis, meðhöndlun laukanna og þroskun blómsins, yrki, fjölgun, uppeldi, útplöntun, vaxtarrými, rótardýnur, beðgerðir, vökvun og áburðargjöf, hitakröfur í ræktun, blómmyndun, blómgun, almenn umhirða, uppskerustörf, geymsla og vörumeðhöndlun, skipulag og ræktunaráætlanir. Nemandaverkefni.
AUG 111 Auglýsingar og skiltagerð
Kennari: NN
Námsefni: Í samráði við kennara
Markmið: Að geta tileinkað sér grundvallar vinnubrögð við gerð tilkynninga og auglýsingaskilta, að geta komið til skila meginmarkmiðum dagsins, á sem skilvirkastan hátt í þjónustu við viðskiptavinina, að tileinkað sér sjálfstæð vinnubrögð. Að nemandi hafi þekkingu á algengustu leturgerðum, geti gert auglýsingaskilti með réttum hlutföllum og þekki árhif forms og lita í auglýsingum.
Lýsing: Að nemandinn fái þekkingu í gerð auglýsingspjalda, fyrir auglýsingar og tilkynningar vegna smærri uppákoma s.s. verðbreytinga tilboða eða uppákoma í verslu. Þekking á áhrifi ljóss og skugga á liti og áhrif lita í umhverfi á fólk.
BLA 112 Blaðpottaplöntur
Kennari: Björn Gunnlaugsson, cand.agro., bjorng@lbhi.is
Námsefni: Kristín Þórðardóttir. 1997. Pottaplöntur – handbók um meðferð og umhirðu. Garðyrkjusk. ríkisins.
Markmið Að nemandi kunni ítarleg skil á ræktun nokkurra algengra tegunda blaðpottaplantna og þekki heiti og helstu deili á a.m.k. 50 algengum blaðpottaplöntum og geti leiðbeint almenningi um umhirðu þeirra.
Lýsing: Ræktun einstakra tegunda af blaðpottaplöntum. Tekin eru fyrir eftirfarandi atriði í umfjöllun um hverja tegund: íslenskt heiti, latneskt heiti, grasafræðileg lýsing, uppruni, afbrigðaval, fjölgun, uppeldi, rótarbeðsefni, vaxtarrými, vökvun, áburðarþörf og valkostir við áburðargjöf, hitakröfur, vaxtarstjórnun, birtuaðlögun, almenn umhirða, skipulag og ræktunaráætlanir. Kynnt verður lífræn ræktun blaðpottaplantna. Nemendaverkefni.
BLÓ 112 Blómstrandi pottaplöntur
Kennari: Björn Gunnlaugsson, cand.agro., bjorng@lbhi.is
Námsefni: Petterson, H. og Aa, I. J. 1998. Produksjon av blomstrende potteplanter. Landbruksforlaget
Markmið: Að nemandi kunni ítarleg skil á ræktun nokkurra algengra tegunda af blómstrandi pottaplöntum. Einnig að nemandi þekki heiti og helstu deili á a.m.k. 50 algengum blómstrandi pottaplöntum og geti leiðbeint almenningi um umhirðu þeirra
Lýsing: Ræktun helstu tegunda af blómstrandi pottaplöntum. Tekin eru fyrir eftirfarandi atriði í umfjöllun um hverja tegund: íslenskt heiti, latneskt heiti, grasafræðileg lýsing, uppruni, afbrigðaval, fjölgun, uppeldi, rótarbeðsefni, vaxtarrými, vökvun, áburðarþörf og valkostir við áburðargjöf, hitakröfur, blómmyndun, blómgun, vaxtarstjórnun, almenn umhirða, skipulag, ræktunaráætlanir og markaðssetning. Kynning á lífrænni ræktun blómstrandi pottaplantna. Nemendaverkefni.
BLS 116 Blómaskreytingar I
Kennari: Júlíana R. Einarsdóttir, blómaskreytir, juli@lbhi.is
Námsefni: Matthiesen, Susie Frank . 2001. Blomsterdekoratören. Einnig ljósrit.
Markmið: Að nemandi fái góða innsýn á uppruna og sögu algengustu tegundum blóma og greina, þekki mismunandi meðhöndlun þeirra blóma og greina, sem unnið er með, þekki grunnreglurnar í uppbyggingu blómvanda og blómaskreytinga við mismunandi tækifæri, þekki efni og notkun þeirra áhalda og verkfæra sem unnið er með í almennum blómaskreytingum. s.s. vírs, oasis, plasts, hálms ofl. Að nemandi öðlist færni í skáskurði, hreinsun stilkanna og meðhöndlun afskorinna blóma eftir mismunandi tegundum, öðlist færni í almennri innpökkun blóma og gjafa, kynnist stílbrigðum og tískustefnum, skrautstíl (decorative), vaxtarstíl (vegetative), formlínustíl (formlineal) og samsíða stíl (parallel), þekki grunnreglur í brúðarskreytingum og útfararskreytingum, bæði efni og aðferðir. Einnig að nemandi kynnist starfi í garðyrkjustöðvum, blómaverslunum og heildsölum og þekki árstíðabundnar skreytingar s.s. jóla- og páskaskreytingar.
Lýsing: Grunnkennsla í mismunandi blómavöndum og skreytingum. Efni og verkfæri sem unnið er með í almennum blómaskreytingum og hvernig skal nota þau. Kynntir mismunandi skreytingarstílar. Undirstöðuatriði innpökkunar.
BLS 217 Blómaskreytingar II
Lokið áður: Blómaskreytingar I
Kennari: Júlíana R. Einarsdóttir, blómaskreytir, juli@lbhi.is
Námsefni: Matthiesen, Susie Frank . 2001. Blomsterdekoratören. Einnig ljósrit.
Markmið: Að nemandi kunni skil á uppruna blómanna sem unnið er með og meðhöndlun þeirrra, kunni skil á og vinni út frá ákveðnum stílum, öðlist færni í að vinna skreytingar út frá teikningum sem hann hefur sjálfur teiknað eða aðrir. Að nemandi öðlist aukna færni í sjálfstæðum vinnubrögðum t.d. við brúðarskreytingar, öðlist aukna færni í útfærslu hugmynda, nýjunga og nýrra útfærslna. þekki grunnreglur í útfaraskreytingum. Einnig að nemandi öðlist aukna færni við bílaskreytingar, útfærslu þeirra og möguleika, öðlist aukna færni og þekkingu í vinnslu tískustefna og strauma, öðlist aukna færni í mismunandi stílbrigðum þ.e. skrautstíl (decorative), vaxtarstíl (vegetative), formlínustíl (formlineal) og samsíða stíll (parallel), öðlist aukna færni í árstíðabundnum skreytingum, s.s páskaskreytingum.
Lýsing: Haldið verður áfram með það efni sem byrjað var á í Blómaskreytingum I, einnig verða kenndar bóklegar blómaskreytingar, 2 kennslustundir á viku. Kynnt hvaðan blómin koma innflutt eða ræktað hér heima. Auk þess verður famhald á því námsefni sem kennt var í fyrri áfanga blómaskreytinga. Skreytingar út frá teikningum, með samsetningu lita og forms í huga. Farið meira í brúðarskreytingar og bílaskreytingar. Unnið með mismunandi skreytingastíla, s.s. skrautstíl (decorative), vaxtastíl (vegetative), formlínustíl (formlineal) og samsíðastíl (parallel). Farið í grunnreglurnar í útfaraskreytingum.
BLS 316 Blómaskreytingar III
Lokið áður: Blómaskreytingar II
Kennari: Júlíana R. Einarsdóttir, blómaskreytir, juli@lbhi.is
Námsefni: Matthiesen, Susie Frank . 2001. Blomsterdekoratören. Einnig ljósrit.
Markmið: Að nemandi fái dýpri þekkingu á sem flestum sviðum blómaskreytinga, öðlist öryggi í meðferð stílbrigðanna fjögurra öðlist færni að vinna með hlutföll í formum og liti geti gert algengustu þurrskreytingar, geti gert blómaskreytingu úr pottablómum með birtu, hita, og raka í huga. Að nemandi öðlist sjálfstæði í vinnu að hugmyndum og útfærslum s.s. í kirkjuskreytingum, salarskeytingum, hann öðlist færni í að skilja óskir viðskiptavinarins og geti metið hvor allt sé framkvæmanlegt. Að nemandi öðlist færni að vinna skreytingar út frá eigin teikningum, öðlist færni í að vinna með þurrskreytingaefni og, öðlist aukna færni í að gera skreytingar, s.s. blómvendi og borðskreytingarog kynnist vinnu með pottaplöntur í skreytingum. Einnig að nemandi öðlist aukinn skilning á að fagmennska og óskir viðskiptavinanna fari saman.
Lýsing: Unnið áfram með það sem kennt var á fyrri önnum og farið ítarlegar í það námsefni, s.s. stílbrigði og tískustefnur. Unnið markvist með stílana fjóra, skrautstíll (decorative), vaxtarstíll (vegetative), formlínustíll (formlineal) og samsíða stíll (parallel). Unnið með form og liti, og út frá teikningum. Unnið áfram með útfaraskreytingar og salaskreytingar. Farið í að vinna út frá óskum viðskiptavinarins, þjálfun í sjálfstæðum vinnubrögðum. Farið í þurrskreytingar og unnið með samplantanir pottaplantna.
BLS 417 Blómaskreytingar IV
Lokið áður: Blómaskreytingar III
Kennari: Júlíana R. Einarsdóttir, blómaskreytir, juli@lbhi.is
Námsefni: Matthiesen, Susie Frank . 2001. Blomsterdekoratören. Einnig ljósrit.
Markmið: Að nemandi öðlist víðtæka þekkingu á blómaskreytingum, öðlist sjálfstæði og sjálfstraust í vinnubrögðum, bæði með takmarkað efni og ótakmarkað efni í höndunum. Að hann þekki sín takmörk, hvenær skal stoppa, þekki vel stílbrigðin fjögur, og sé tamt að vinna út frá þeim. Að nemandi öðlist góðan skilning á formum og litum litafræðinnar í uppbyggingu blómaskreytinga og öðlist frekari færni í að vinna með þurrskreytingaefni og ýmsar skreytingar, s.s. blómvendi, kransa og vinnu með íslenskt efni og innflutt. Að færni nemandans í hugmyndasmíði með allskyns efni af ýmsum uppruna aukist og að hann öðlist færni í hönnun skreytinga með sjálfstæð vinnubrögð að leiðarljósi
Lýsing: Unnið áfram með það sem kennt var á fyrri önnum og farið nánar í það, kennt að vinna enn meira með liti og form, og að vinna út frá teikningum. Unnið markvissara út frá skreytingastílunum fjórum og læra að þekkja hvaða stíll er í hvaða skreytingu. Hvernig stílbrigðin fjögur koma fyrir í öllum skreytingum sem unnar eru. Kennt að vinna með takmarkað efni og ótakmarkað. Skreytingar unnar úr efni náttúrunnar, hvað er hægt að nýta og hvernig. Hönnun skreytinga úr tilfallandi efni af ýmsum uppruna. Unnið með magnskreytingar og farið í hraða og vandvirkni
DÝR 112 Dýrafræði
Kennari: NN
Námsefni: Villt íslensk spendýr. 1993. (ritstj. Páll Hersteinsson og Guttormur Sigbjarnarson) útg? . Ævar Petersen. 1998. Íslenskir fuglar. Vaka-Helgafell.
Markmið: Að nemandinn öðlist þekkingu á hinni íslensku hryggdýrafánu þurrlendisins þannig að hann verði fær um að þekkja helstu greiningaratriði þeirra tegunda spendýra og fugla sem hér búa. Þekki búsvæði hverrar tegundar fyrir sig og geti gert grein fyrir helstu þáttum í fæðunámi hennar Geti gert grein fyrir helstu þáttum í fjölgunaratferli hverrar tegundar fyrir sig og geti gert grein fyrir árlegu faratferli tegundar þar sem um það er að ræða Að nemandi þekki þær breytingar sem verða á búsvæðum fugla við aukna skógrækt í landinu og þekki til þeirra tegunda sem ný skilyrði skapast fyrir við aukna skógrækt í landinu.
Lýsing: Dýrafræði íslenska þurrlendisins. Farið er í íslensku fuglana og landspendýrin okkar. Lögð er áhersla á helstu greiningaratriði hverrar tegundar um sig. Einnig er farið í búsvæði, lifnaðarhætti og atferli tegundanna. Að lokum eru mismunandi tegundir skóglendis athugaðar með tilliti til þeirra búsvæða sem þar skapast fyrir einstakar dýra- og fuglategundir
FHT 112 Fríhendisteikning
Kennari: NN
Námsefni: Fjölrit og annað efni eftir ábendingum kennara
Markmið: Að nemandi kynnist og þjálfist í grundvallaratriðum fríhendisteikningar, öðlist leikni í meðferð teikniáhalda og teiknitækni, þjálfi sjón og formskyn sitt og geti gert grein fyrir hlutföllum, lögun, formi, áferð og skyggingu.
Áfangalýsing: Kynnt eru og æfð meðferð teikniáhalda, teikniaðferðir, teiknitækni, mæling hlutfalla eftir auganu auk samspils ljóss og skugga. Teiknað verður eftir mismunandi hlutum frá mismunandi sjónarhornum með áherslu á hlutföll, lögun, áferð og áhrif ljóss og skugga. Sérstök áhersla verður lögð á að nemendur geri tillögur að blómaskreytingum með skissum og teikningum, sem verði síðan framkvæmd í verklegum blómaskreytingatíma. Einnig verður nemandi þjálfaður í að skissa og teikna áður gerðar blómaskreytingar.
FOL 112 Form og litir I
Kennari: Valgerður Sverrisdóttir, innanhússarkitekt, vala@mi.is
Námsefni: Matthiesen, Susie Frank . 2001. Blomsterdekoratören. Einnig ljósrit.
Markmið: Að nemandi kynnist grundvallaratriðum í form og litafræði, öðlist skilning á aðferðum við hönnun og þjálfi lita og formskyn sitt
Lýsing: Kynntir verða frumþættir form og litafræði. Lögð verður áhersla á skilning aðferða við hönnun svo sem hugmyndaleit, úrvinnsla, stílfærslu, beitingu samræmis og aðstæðna.
FOL 212 Form og litir II
Lokið áður: Form og litir I
Kennari: NN
Námsefni: Matthiesen, Susie Frank . 2001. Blomsterdekoratören. Einnig ljósrit.
Markmið: Að nemandi kunni skil á litafræðum í anda Johannesar Itten, öðlist skilning á aðferðum við hönnun og þjálfi lita- og formskyn sitt.
Áfangalýsing: Kennd verður litafræði byggð á fræðum Johannesar Itten. Áhersla verður lögð á að nemendur tileinki sér hugtök og aðferðir úr litafræðinni sem þeir læra að nýta sér í frekari hönnunarvinnu. Áfram verður lögð áhersla á skilning aðferða við hönnun svo sem hugmyndaleit, úrvinnsla, stílfærslu beitingu samræmis og aðstæðna
GAB 112 Garðblóm I
Kennari: Guðríður Helgadóttir, BS, gurry@lbhi.is
Námsefni: Hólmfríður A. Sigurðardóttir. 2005. Garðblómabókin. útg.?
Markmið: Að loknum áfanga á nemandi að kunna íslensk og latnesk heiti á þeim tegundum sem fjallað var um og íslensk og latnesk heiti á stærstu plöntuættum. Þekkja tegundirnar og vita hvernig þær líta út í aðalatriðum. Vita um helstu eiginleika hverrar tegundar, kröfur til jarðvegs og birtu og möguleika á notkun. Kunna helstu atriði um meðferð og hirðingu skrautjurta og þekkja mun á mismunandi gerðum lauka og hnýða og ræktun þeirra.
Áfangalýsing: Nemendur fá afhenta skrá yfir plöntutegundir, sem þeir eiga að lesa um þegar vorönn á fyrra ári lýkur. Plöntuskráin er endurskoðuð annað hvert ár áður en nýr árgangur kemur í skólann. Kennt er með fyrirlestrum í tengslum við sýningar á litskyggnum og nemendur aðstoðaðir við að fylla út verkefnablöð í kennslustundum. Ætlast er til að það sé að hluta til heimavinna. Lesið er um algengustu sumarblóm, um það bil 30-35 tegundir , nokkrar algengustu lauk- og hnýðisjurtir, 20-30 tegundir og síðan 40-50 algengar fjölærar skrautjurtir. Byrjað er á sumarblómum og síðan lauk-og hnýðisjurtum til þess að auðvelda nemendum námið þar sem flestir kannast við ýmsar tegundir í þessum flokkum. Lögð er áhersla á að nýta líka eiginleika skyldra tegunda til þess að læra um meðferð og notkun nokkurra plantna í einu, t.d. allra tegunda í ættkvísl fremur en um einstakar tegundir hverja fyrir sig. Lesið er um plöntuættkvíslir og stærstu plöntuættir. Þá eru lesnir kaflar í bókinni um hirðingu fjölærra plantna, um sumarblóm og um lauk-og hnýðisjurtir. Verkefni í skipulagningu beða.
GAB 212 Garðblóm II
Lokið áður: Garðblóm I
Kennari: Guðríður Helgadóttir, BS, gurry@lbhi.is
Námsefni: Hólmfríður A. Sigurðardóttir. 2005. Garðblómabókin. útg.?
Markmið: Að loknum áfanga á nemandi að kunna íslensk og latnesk heiti á þeim tegundum sem fjallað var um og íslensk og latneskt heiti á stærstu plöntuættum. Þekkja tegundirnar og vita hvernig þær líta út í aðalatriðum. Vita um helstu eiginleika hverrar tegundar, kröfur til jarðvegs og birtu og möguleika á notkun.
Áfangalýsing: Lesið er áfram um fjölærar tegundir í framhaldi af Garðblómum I samkvæmt plöntuskrá. Teknar eru fyrir 110-120 tegundir algengra fjölærra skrautjurta. . Kennt er eins og áður með fyrirlestrum í tengslum við sýningar á litskyggnum og nemendur látnir fylla út verkefnablöð heima að hluta til og að hluta í kennslustundum. Lesið er um ættkvíslir tegunda sem eru í plöntuskránni og stærstu plöntuættir. Einnig eru lesnir tveir kaflar í kennslubókinni, kafli um blómabeð og niðurröðun plantna og kafli um steinhæðir. Verkefni í skipulagningu beða.
GAS 113 Garð- og skógarplöntuframleiðsla I
Lokið áður: Skipulag og bygging garðyrkjustöðva
Kennari: Guðríður Helgadóttir, BS, gurry@lbhi.is
Námsefni: Hartmann, H.T., Kester, D.E. o.fl. 2002. Plant Propagation 7. útg. Prentice Hall, New-Jersey.
Markmið: Að nemandi fái innsýn í sögu garð- og skógarplöntuframleiðslu á Íslandi, kunni skil á grunnþáttum í ræktunartækni, svo sem jarðvinnslu á mismunandi gerðum jarðvegs, notkun algengra áburðartegunda við ræktun og notkun gróðurhúsa við garð- og skógarplöntuframleiðslu, þekki lífrænar aðferðir í ræktun garðplantna og skilji hvað felst í kynæxlun garðplantna og hvernig garðyrkjumenn hagnýta sér þá vitneskju. Einnig að nemandi skilji hvaða áhrif frædvali og geymsla fræs hafi á árangur ræktunar og geti sett upp framleiðsluáætlun fyrir algengustu tegundir sumarblóma, limgerðis- og skjólbeltaplantna. Að nemandi kunni skil á fjölgun limgerðis- og skjólbeltaplantna með vetrargræðlingum
Áfangalýsing: Saga garð- og skógarplöntuframleiðslu á Íslandi. Grunnþættir í ræktunartækni eru teknir fyrir, jarðvinnsla, klipping plantna í uppeldi, áburðarþörf plantna og áburðargjöf, ræktun í gróðurhúsum, lífræn ræktun garðplantna kynnt. Farið er í kynæxlun garðplantna, frædvala, verkun og geymslu fræja. Uppeldi plantna upp af fræi verður tekin fyrir með sérstaka áherslu á sumarblóm og forræktaðar matjurtir. Fjölgun á limgerðis- og skjólbeltaplöntum með vetrargræðlingum. Heimsóknir í garðplöntustöðvar og verklegar æfingar.
GAS 214 Garð- og skógarplöntuframleiðsla II
Lokið áður: Garð- og skógarplöntuframleiðsla I
Kennari: Guðríður Helgadóttir, BS, gurry@lbhi.is
Námsefni: Hartmann, H.T., Kester, D.E. o.fl. 2002. Plant Propagation 7. útg. Prentice Hall, New-Jersey.
Markmið: Að nemandi þekki kosti og galla kynlausrar fjölgunar garðplantna annars vegar og fræfjölgunar hins vegar og geti borið þessar aðferðir saman. Kunni skil á fjölgun algengustu trjáa og runna með mismunandi aðferðum. Skilji áhrif uppsetningar pottaræktunarsvæðis á árangur ræktunar og mikilvægi réttrar vetrargeymslu pottaplantna. Geti sett upp ræktunaráætlanir fyrir tré og runna
Kunni skil á helstu aðferðum við fjölgun fjölærra plantna og kryddjurta. Að hann skilji hvernig vefjaræktun virkar, þekki drög að íslenskum plöntustaðli og skilji hvernig slíkur staðall virkar í raun og viti hvernig innflutningur plantna gengur fyrir sig, takmarkanir þar á og geti fyllt út tollskýrslu og viti um helstu tilraunir sem gerðar hafa verið með garðplöntur á Íslandi.
Áfangalýsing: Farið verður í helstu aðferðir kynlausrar fjölgunar garðplantna. Samanburður á kynlausri fjölgun garðplantna og fjölgun með fræi. Fjölgun trjáa og runna með græðlingum, ágræðslu og vefjaræktun. Erfðabreyttar lífverur. Fjölgun fjölærra plantna og kryddjurta, mismunandi aðferðir s.s. skipting, græðlingar, fræfjölgun. Uppeldi plantna á beði og í pottum, uppsetning pottaræktunarsvæðis og vetrargeymsla. Ræktun stórra trjáa auk ræktunar á ýmsum plöntuhópum, s.s. klifurplöntum og berjarunnum. Íslenskur plöntustaðall skoðaður. Innflutningur plantna, lög og reglugerðir þar að lútandi, gerð tollskýrslu. Útreikningur á framleiðslukostnaði ýmissa garðplantna. Tilraunir með garðplöntur á Íslandi. Heimsóknir í garðyrkjustöðvar, verklegar æfingar og ritgerðarverkefni.
GAS 312 Garð- og skógarplöntuframleiðsla III
Lokið áður: Garð- og skógarplöntuframleiðsla II
Kennari: Guðríður Helgadóttir, BS, gurry@lbhi.is
Námsefni: Eftir ábendingum kennara
Markmið: Að nemandi Fái innsýn í sögu skógarplöntuframleiðslu á Íslandi. Kunni skil á fjölgun helstu skógarplantna í framleiðslu hérlendis. Hafi innsýn inn í tæknimál greinarinnar og geti sett upp ræktunaráætlanir fyrir skógarplöntur. Að hann þekki leiðir til yfirvetrunar skógarplantna, kannist við gæðakröfur og staðla fyrir skógarplöntur og kannist við útboðslýsingar og afhendingarskilmála.
Áfangalýsing: Saga skógarplöntuframleiðslu á Íslandi. Farið yfir fjölgun, uppeldi og ræktunartækni helstu skógarplantna í ræktun á Íslandi. Ný tækni í skógarplöntuframleiðslu kynnt. Lífræn ræktun skógarplantna kynnt. Helstu vandamál í ræktun, yfirvetrun, geymslutækni. Gæðakröfur og staðlar fyrir skógarplöntur. Útboðslýsingar og afhendingarskilmálar. Heimsóknir í skógarplöntustöðvar.
GRA 113 Grasafræði
Kennari: Guðríður Helgadóttir, BS, gurry@lbhi.is
Námsefni: Bertelsen, H. o.fl. 1998. Líffærafræði plantna. Þýð. Hólmfríður Sigurðardóttir. Garðyrkjusk. ríkisins. Einnig ljósritað efni
Markmið: Að loknum áfanga á nemandi að skilja hvað átt er við með algengustu hugtökum í flokkunarfræði. Geta lesið plöntulýsingar sér til gagns og lýst útliti plantna með réttum fræðiorðum. Þekkja helstu eiginleika þörunga, sveppa og mosa og gagn eða skaðsemi þeirra í garðyrkju. Kunna í aðalatriðum gerð plöntufrumu, þekkja helstu vefi og gerð þeirra og vita hvernig þeir raða sér í líffæri. Kunna helstu atriði um gerð þeirra plöntulíffæra, sem rætt er um.
Lýsing: Farið er yfir nafnakerfi og flokkun plantna og útskýrð hugtök sem mikið eru notuð í garðyrkju eins og undirtegund, afbrigði, yrki, kvæmi og klónn.
Fjallað er um ytri gerð plantna, þ.e. formfræði og nemendur látnir læra öll helstu fræðiorð þar að lútandi og síðan um fjölgun plantna og dreifingu fræja. Lesið er örstutt yfirlit um þörunga, sveppi og mosa og síðan plöntulíffærafræði, frumur, vefir og líffæri. Lesið er um rót, stöngul og blöð í plöntulíffærafræði. Verklegar æfingar.
GRA 212 Plöntulífeðlisfræði
Lokið áður: Grasafræði
Kennari: Guðríður Helgadóttir, BS, gurry@lbhi.is og Sveinn Aðalsteinsson, Ph.D, sveinn@lbhi.is
Námsefni: Andersen, A.S. 2000. Lífsstarfsemi plantnanna. Þýð. Hólmfríður A. Sigurðard. Garðyrkjusk. ríkisins.
Markmið: Að nemandi geti gert grein fyrir flutningi efna og vatns í plöntunni svo og helstu efnaferlum plöntunnar m.a. ljóstillífun og öndun. Skilji hormónavirkni plöntunnar og hvernig hægt er að nýta sér hana í framleiðslu og skilji áhrif nokkurra umhverfisþátta á vöxt og viðgang plöntunnar. Að nemandi hafi kynnst helstu lögmálum plöntuerfðafræði og hagnýtingu þeirra í framleiðslu
Lýsing: Fjallað verður ítarlega um helstu þætti plöntulífeðlisfræði og erfðafræði. Sérstök áhersla verður lögð á atriði sem snerta plöntuframleiðslu og vaxtarstjórnun. Fjallað verður um upptöku efna í plönturótum, efna- og vatnsflutning í plöntum, hormónavirkni, vaxtarstýringu og áhrif umhverfisþátta og inngripa (t.d. klippinga) á vöxt. Farið verður lauslega yfir öndun, ljóstillífun og helstu efnaferla í plöntufrumunni.
HEI 111 Heilsurækt
Metinn áfangi
Námsefni: Bókalaus
Markmið: Heilbrigð sál í hraustum líkama!
Lýsing: Hver nemandi er ábyrgur fyrir því að stunda líkamsrækt a.m.k. 2 sinnum 40 min á hverri viku. Nemendur skólans hafa ókeypis aðgang að Sundlaug Hveragerðis, þegar hún er opin, auk þess fær nemendafélagið tvær stundir til ráðstöfunar í Íþróttahúsi Hveragerðis. Skilyrði til að halda tímum í íþróttahúsi er að þeir séu nýttir.
HRV 112 Hagnýt ræktunarverkefni
Lokið áður: Grasafræði
Kennari: Björn Gunnlaugsson, cand.agro., bjorng@lbhi.is
Námsefni: Verkefnamappa.
Markmið: Að nemandi geti sett upp ræktunaráætlanir, skilji áhrif helstu umhverfisþátta s.s. áburðar, vökvunar, lýsingar o.fl. og geti sett upp lýsingarútreikninga
Lýsing: Áfanginn byggist á að nemendur leysi hagnýt verkefni um ræktun einstakra tegunda eða tegundahópa. Nemendur skipuleggja og setja sjálfir upp ræktun sem tengist þeirra sviði (garð- og skógarplöntuframleiðsla, ylræktarsvið). Lögð er áhersla á að nemendur skilji og hafi góð tök á samspili umhverfisþátta við ræktun.
HÖR 111 Hönnun og rými
Kennari: Valgerður Sverrisdóttir, innanhússarkitekt, vala@mi.is
Námsefni: Matthiesen, Susie Frank . 2001. Blomsterdekoratören. Einnig ljósrit.
Markmið: Að nemandi fái innsýn í grunnatriði rýmismyndunar, innanhússskipulags, hönnunarferil verkefna og fái þjálfun í teikningum og modelgerð innanhússrýmis.
Lýsing: Farið verður í grunnatriði rýmismyndunar og innanhússskiplags. Einnig verður fjallað um hönnunarferil verkefna. Lögð verður áhersla á æfingar í innanhússkiplagningu, rýmismyndun og modelgerð.
ÍSF 111 Íslenska flóran
Kennari: Guðríður Helgadóttir, BS, gurry@lbhi.is
Námsefni: Ágúst H. Bjarnason.1983. Íslensk flóra. Iðunn. Hörður Kristinsson.1986. Plöntuhandbókin. Örn og Örlygur.
Markmið: Að nemandinn fái kynningu á undirstöðu atriðum plöntuvistfræði, læri að þekkja plöntur í íslensku flórunni úti í mörkinni og læri að greina þær eftir greiningalyklum og læri að þurrka og merkja plöntur á faglegan hátt.
Lýsing: Áfanginn er hugsaður sem verkleg kennsla í plöntuskoðun og –söfnun. Í 1. viku á 1. önn eru nemendur þjálfaðir í söfnun plantna í íslensku flórunni, sem nýtist nemendum í áframhaldandi vinnu við plöntusöfn. Einnig verður farið í ágrip af plöntuvistfræði.
JAR 113 Jarðrækt
Kennari: Úlfur Óskarsson, MSc, ulfur@lbhi.is
Námsefni: Þorsteinn Guðmundsson. 1994. Jarðvegsfræði. BÍ. Ljósritað ítarefni.
Markmið: Að nemandi öðlist nauðsynlega þekkingu í jarðvegs- og áburðarfræðum til að þeir geti lagt mat á og framkvæmt nauðsynlegar jarðvegsbætur og áburðargjöf (íblöndun og dreifing). Að hann eigi auðveldara með að nýta sér leiðbeiningar og geti aflað sér upplýsinga á eigin spýtur.
Lýsing: Fjallað er um helstu undirstöðuatriði jarðvegsfræði, svo sem myndun jarðvegs, flokkun, byggingu og kornastærð, efnageymslu og rakaheldni, loft í jarðvegi, jarðvinnslu og framræslu, sýrufar jarðvegs og áhrif þess á nýtanleika næringarefna í jarðvegi. Fjallað er um öll nauðsynleg plöntunæringarefni í jarðvegi, í hvaða ástandi þau finnast í jarðvegi, í hvaða ástandi þau eru tekin upp og hvernig þau eru gefin sem áburður. Fjallað er um helstu aðferðir til áburðargjafar og valkosti við notkun áburðar. Áburðaráætlanir og -forskriftir og nauðsynlega útreikninga vegna þeirra.
JÁS 112 Jarðvinnsla og áburðargjöf í skógrækt
Lokið áður: Véla- og verkfærafræði I ásatmt vinnuvélaprófi
Kennari: NN
Námsefni: Plantning bls 113-126 og Groftning bls 127-135 í Skogsbrukslære eftir Knut Nedkvittne og Anton Arvesen, 3.utg Engers Boktrykeri A/S Otta 1984 ISBN 82-529-1055-6
Jarðvegur og jarðvegsskilyrði, Bjarni Helgason Skógræktarbókin bls. 67-75
Gróðursetning skógarplantna, Snorri Sigurðsson Skógræktarbókin bls.147-156
Plöntun, Agnes Brá Birgisdóttir og Gunnar Freysteinsson Lokaritgerð við GR 1998
Ítarefni: Marken i skogslandskapet, Skogsstyrelsens förlag, Jönköping
Markmið: Að nemandi þekki til mismunandi jarðvinnsluaðferða og verkfæra sem tengjast vinnu í skógrækt, hafi fengið innsýn í stjórnun helstu tegundum jarðvinnslutækja og plöntunartækja og þekki til áburðartegunda sem notaðar eru í skógrækt. Að hann geti sett upp áburðaráætlanir með hliðsjón af niðurstöðum úr jarðvegsgreiningum oghafi framkvæmt verklegar áburðartilraunir
Lýsing: Hér er lögð áhersla á mismunandi jarðvinnsluaðferðir og verkfæri sem tengjast vinnu í skóglendi, ásamt verklegri jarðvinnu. Farið er í gegnum áburðargjöf og áburðaráætlanir í skógrækt ásamt túlkun niðurstaða úr jarðvegsgreiningum. Farið er í helstu áburðartegundir (lífrænar og ólífrænar) sem notaðar eru í skógrækt og verklegar áburðartilraunir gerðar.
KOR 112 Kort og teiknun
Kennarar: Valgerður Sverrisdóttir, innanhússarkitekt, vala@mi.is og Ólafur Melsted landslagsarkitekt, olafurm@lbhi.is
Námsefni: Ásmundur Jóhannsson o.fl. 2003. Grunnteikning, Rvík, Iðnú. Auður Sveinsdóttir og Fríða Eðvarðsdóttir. 1995. Garðurinn hugmyndir að skipulagi og efnisvali, Fjölrit og annað efni eftir ábendingum kennara
Markmið: Að nemandi fái innsýn í mismunandi skipulagsteikningar og opinberar teikningar. Læri að lesa teikningar landslagsarkitekta. Fái innsýn í mismunandi framsetningu teikninga, grunnatriði fríhendisteiknunar, grunnteikningar, hlutateikningar og flatarteikningar.
Lýsing: Almennt fjallað um gerð teikninga og hvernig lesa skuli teikningar. Kynning á mismunandi skipulagsteikningum frá arkitektum, verkfræðingum og sérstaklega fjallað um uppdrætti landslagsarkitekta. Einnig er fjallað um ýmsar opinberar teikningar. Farið er í mismunandi framsetningu teikninga. Farið lauslega í blokkstafagerð, fríhendisteiknun, grunnteikningu, skyggingu og litrófið, hlutateikningu og flatarteikningu. Lauslega farið í módelbyggingu og hvernig teikning er færð yfir í módel.
LAV 111 Landvarðanámskeið
Valáfangi á umhverfisbraut
Kennari: Fyrirlesarar eru margir m.a. sérfræðingar í umhverfis- og náttúruverndarmálum
Námsefni: Ljósritað efni sem kennarar afhenda
Markmið: Að útskrifa fólk sem er hæft til starfa sem landverðir og þekki til náttúruverndarmála og helstu leiða til að vernda náttúruna. Nemandi þekki til umhverfismála í sambandi við náttúruvernd og ferðamála í sambandi við skipulag á móttöku ferðamanna á viðkvæm svæði og mikilvægi góðrar leiðsögu.
Lýsing: Námskeið sem Umhverfisstofnun heldur til undirbúnings fólki undir landvarðarstörf. Kennsla fer fram á kvöldin og um helgar í nokkrar vikur að hausti. Mikið af efninu er skylt því sem nemendur umhverfisbrautar tileinka sér úr öðrum námsgreinum.
LHS 112 Lista- og hönnunarsaga
Kennari: NN
Námsefni: Matthiesen, Susie Frank . 2001. Blomsterdekoratören. Einnig ljósrit.
Markmið: Að nemandi fái yfirsýn yfir sögu hönnunar og lista, kunni skil á helstu straumum og stefnum í hönnun á 20 öld og fái innsýn í tengsl blóma og blómaskreytinga við hönnun og listir
Lýsing: Yfirlit yfir sögu hönnunar og lista allt frá tímum Egypta til dagsins í dag. Megináhersla verður lögð sögu lista og hönnunar á 20 öld. Íslensk dæmi verða flettuð inn í umfjöllunina. Lögð verður áhersla á að tengja umföllunina við blóm og blómaskreytingar á hinum ýmsu tímabilum.
LMÆ 112 Landmæling
Kennari: Baldur Gunnlaugsson, skrúðgarðatæknir, baldur@lbhi.is
Námsefni: Þórhallur Hróðmarsson. 1999. Landmæling. Garðyrkjusk. ríkisins. Einnig ljósritað efni
Markmið: Að nemandi kunni skil á notkun og meðferð helstu tækja í landmælingu, öðlist færni í útsetningu á hæðarpunktum eftir teikningum, mæla upp raunverulegar aðstæður og kortleggja þær. Að nemandi sé í lok áfangans fær um að hæðarsetja einkalóð
Lýsing: Grunnatriði landmælinga. Fjalla skal um helstu aðferðir og tæki, sem notuð eru við mælingu og mörkun á litlum svæðum, svo sem notkun málbanda, hornspegla, fallmæla og hæðarmæla. Mælingar í plani, hæðarmæling, teiknun hæðarlína. Kynning á rúmmálsreikningum og teiknun sniða. Kynnt eru ýmis sérhæfð tæki til mælinga og einnig eru kynntar nýjungar á markaðnum. Fjallað er um stefnur og hnit í mælingum og helstu aðferðir við útsetningu hæða. Kennslan er studd verklegum æfingum sem fara m.a. fram í verklegri skrúðgarðabyggingafræði.
LRG 113 Lífræn ræktun og vistvæn garðrækt
Kennarar: Baldur Gunnlaugsson, skrúðgarðatæknir, baldur@lbhi.is, Gunnþór Guðfinsson, garðyrkjufræðingur, gkg@lbhi.is
Námsefni: Stuðst verður m.a. við: Lífrænn landbúnaður - kennsluefni fyrir búnaðarnám, Landbúnaðarháskólinn á Hvanneyri 1999. Ökologisk landbruk - Landbruksforlaget 1989. Biologisk-dynamisk dyrkning, Emil Mohr og Einar Grapperud. Ljósritað ítarefni úr tímaritum, innlendum sem erlendum. Lög og reglugerðir um lífræna landbúnaðarframleiðslu. Lög og reglugerðir um vistvæna landbúnaðarframleiðslu
Markmið: Að nemandi sé fær um að skilgreina mismunandi ræktunarstefnur, leiðbeina almenningi um jarðgerð heima fyrir, leiðbeina almenningi um lífræna ræktun og geti nýtt sér upplýsingar um þessi málefni
Lýsing: Fjallað verður um stefnur og aðferðir í lífrænni ræktun. Farið yfir löggjöf lífrænnar landbúnaðarframleiðslu og vottun hennar. Fjallað verður almennt um jarðgerð m.a. verður farið í blöndun og meðferð safnhauga. Heimajarðgerð og möguleikar þar að lútandi verða skoðaðir. Nemendur vinna verklegar æfingar í heimajarðgerð og fylgja eftir. Notkunarmöguleikar moltunnar kynntir. Fjallað verður um grundvallaratriði vistvænnar garðræktar s.s. valkosti við notkun áburðar, varnarefna ofl. Lögð er áhersla á umhverfið sem auðlind sem nýta verður á skynsamlegan hátt. Inngangur að hringrásarferlum næringarefna og orku.
MAN 112 Mannvirki í náttúrunni I
Kennari: Ólafur Melsted landslagsarkitekt, olafurm@lbhi.is
Námsefni: Auður Sveinsdóttir og Fríða Eðvarðsdóttir. 1995. Garðurinn hugmyndir að skipulagi og efnisvali, Fjölrit og annað efni eftir ábendingum kennara
Markmið: Að nemandi fái innsýn í hellulagnir, tröppugerð og hleðslur, sömuleiðis innsýn í grassáningu og þökulagnir og kynnist úrlausnum og tæknilegum atriðium sem snúa að verklegri vinnu við hellulagnir, tröppugerð og hleðslur.
Lýsing: Fjallað verður um undirbúning fyrir hellulagnir, tröppur og hleðslur og einnig um framkvæmdina sjálfa. Í lok áfangans verður fjallað um undirbúning fyrir grassáningu og þakningu og verklega framkvæmd þess. Í verklegum æfingum verður komið inn á hellulagnir, tröppur og hleðslur.
MAN 212 Mannvirki í náttúrunni II
Lokið áður: Mannvirki í náttúrunni I
Kennari: Ólafur Melsted landslagsarkitekt, olafurm@lbhi.is
Námsefni: Auður Sveinsdóttir og Fríða Eðvarðsdóttir. 1995. Garðurinn hugmyndir að skipulagi og efnisvali, Fjölrit og annað efni eftir ábendingum kennara
Markmið: Að nemandi fái innsýn í undirbúning og gerð stíga og bílastæða. Ásamt innsýn í undirbúning og uppsetningu girðinga og hliða og kynnist úrlausnum og tæknilegum atriðum sem snúa að verklegri vinnu við undirbúning og uppsetningu girðinga og hliða.
Lýsing: Fjallað verður um undirbúning fyrir stígagerð, jarðvegsskipti og framræslu, gerð göngustíga, reiðstíga og bílastæða. Undirbúningur og uppsetning girðinga og hliða. Farið yfir úrval og notkun helstu véla og verkfæra. Verklegar æfingar.
MAR 112 Markaðsfræði
Kennari: NN
Námsefni: Námsefni eftir ábendingum kennara
Markmið: Að nemandi fái innsýn í hugsunarhátt og viðhorf markaðsfræðinnar. Kynnist markaðs- og sölumálum garðyrkjuafurða, svo og viðskiptasamningum (EES og GATT).
Lýsing: Hugsunarháttur og viðhorf markaðsfræðinnar kynnt og þau hugtök sem byggt er á. Farið verður yfir eftirfarandi efni í tengslum við framleiðslu og sölu garðyrkjuafurða: markaðssókn og söguleg þróun hennar, framleiðslu, neyslu, dreifi- og sölukerfi, viðhorf kaupenda, verðkannanir, starfsskilyrði atvinnugreinarinnar og viðskiptasamninga (EES, GATT). Reynt verður að tengja námið eins og hægt er með raunhæfum verkefnum.
MAR 212 Markaðs- og rekstrarfræðiverkefni
Lokið áður: Rekstur og áætlanagerð
Kennari: NN
Námsefni: Námsefni eftir ábendingum kennara
Markmið Að nemandi öðlist frekari færni í rekstri og áætlanagerð fyrir smáfyrirtæki í garðyrkju og blómaskreytingum. Kynnist tilboðsgerð og gerð viðskiptaáætlana
Lýsing: Áfanginn byggir á þekkingu og verkefnum fyrri áfanga í rekstri og markaðsfræði þar sem viðfangsefnin endurspegla sérhæfingu hvers nemanda. Nemendur vinna hópverkefni á sviði rekstrar og markaðsaðstæðna síns sérsviðs. Stuðst verður við gestafyrirlesara sem taka fyrir efni ætluð sérstaklega hverri braut.
MAT 112 Matjurtagarðurinn
Kennari: Gunnþór Guðfinnsson, garðyrkjufræðingur, gkg@lbhi.is
Námsefni: Magnús Óskarsson og Óla Val Hansson. 1983. Grænmeti úr eigin garði eftir. Aamlid, Kaare,1987. Lær å dyrke grönnsaker. Gröndal, Oslo. Stóra garðabókin. 1996. Ritstj. Ágúst H. Bjarnason. Fjölritað efni.
Markmið: Að nemandi kunni skil á ræktun algengra tegunda útimatjurta og berjarunna sem ná þroska hér á landi. Þekki til helstu verðurfarsbætandi aðgerða sem beita má hér á landi til að lengja ræktunartímann og geti leiðbeint almenningi um ræktun allra algengra tegunda af útimatjurtum í heimilisgarðinum
Lýsing: Fjallað verður um almenn atriði sem varða ræktun útimatjurta svo sem veðurfar, val á garðlandi, áburðarþörf og valkosti við áburðargjöf, matjurtafræ, smáplöntuuppeldi, ræktunarskipulagningu, veðurfarsbætandi aðgerðir og lífræna ræktun. Fjallað verður í stuttu máli um allar algengar tegundir útimatjurta og berjarunna sem rækta má í heimilisgörðum hér á landi.
MAT 213 Útimatjurtir
Kennari: Gunnþór Guðfinnsson, garðyrkjufræðingur, gkg@lbhi.is
Námsefni: Ballvoll, Gudmund. 1976. Grønsakdyrking på friland. Oslo, Landbruksforl.. Fjölrit og greinar í fagtímaritum
Markmið: Að nemandi öðlist staðgóða þekkingu á ræktun mikilvægustu tegunda útimatjurta hér á landi.
Lýsing: Fjallað verður ítarlega um ræktun einstakra tegunda útimatjurta og lífræna ræktun. Tekin eru fyrir eftirfarandi atriði í umfjöllun um hverja tegund: Val á yrkjum, fræ, val á garðlandi, áburðarþörf og valkosti við áburðargjöf, uppeldi, plöntun, umhirða, illgresiseyðing, sjúkdómar og meindýr, uppskera, geymsla og vörumeðhöndlun, geymslusjúkdómar og markaðsmál. Verklegar æfingar í forræktun á útimatjurtum. Ræktunaráætlanir.
MLA 113 Meðferð lífrænna auðlinda
Kennari: NN
Námsefni: Fjölrit og annað efni eftir ábendingum kennara
Markmið: Að nemandi þekki til helstu aðferða við meðferð og losun á sorpi og öðrum úrgangi, hafi kynnt sér áframhaldandi meðferð og flokkun sorps, þekki helstu leiðir endurvinnslu úrgangs, einnig seyru og hafi gert sér grein fyrir stærð auðlindarinnar ekki síst m.t.t. lífræns heimilisúrgangs. Að nemandi þekki til helstu aðferða við moltugerð og notkunarmöguleika helstu gerða safnkassa, hafi tekið þátt í verklegum æfingum í moltugerð og geri sér grein fyrir hvernig nýta megi lífrænan iðnaðarúrgangur til verðmætasköpunar
Lýsing: Meðferð, losun og endurvinnsla úrgangs tekin til umfjöllunar ásamt meðferð og flokkun sorps. Stærð auðlindarinnar könnuð ekki síst m.t.t. lífræns heimilisúrgangs. Farið er í helstu aðferðir við moltugerð og ýmsar gerðir safnkassa kynntar. Einnig verða verklegar æfingar í moltugerð. Kynntir verða möguleikar á nýtingu metans frá sorpsamlögum.
Lífrænn iðnaðarúrgangur skoðaður með tilliti til nýtingar auðlindarinnar.
MYL 112 Ylræktun matjurta I
Kennari: Garðar R. Árnason, cand.agro, gardar@lbhi.is
Námsefni: Grønsager i væksthus. 1994. Ritstj. Egon Jensen. Kbh., Gartner Info. Ýmis fjölrit
Markmið: Að nemandi hafi yfirsýn yfir ræktun helstu tegunda matjurta í gróðurhúsum og geti leiðbeint almenningi um ræktun matjurta í gróðurhúsum
Lýsing: Fjallað um ræktun helstu tegunda matjurta í gróðurhúsum. Tekin verða fyrir eftirfarandi atriði í umfjöllun um hverja tegund: Latneskt heiti, uppruni, grasafræðileg lýsing, yrki, útplöntun, vaxtarrými, ræktunarefni, vökvun, áburðarþörf og valkostir við áburðargjöf, hitakröfur, vöxtur og þroski, blóm- og aldinmyndun, almenn umhirða og uppskerustörf. Lífræn ylræktun matjurta kynnt. Vettvangsheimsókn.
MYL 213 Ylræktun matjurta II
Lokið áður: Hagnýt ræktunarverkefni, Ylræktun matjurta I
Kennari: Garðar R. Árnason, cand.agro., gardar@lbhi.is
Námsefni: Garðar R. Árnason. Án árs. Ræktun tómata, gúrku og papriku eftir (3 fjölrit). Grønsager i væksthus. 1994. Ritstj. Egon Jensen. Kbh., Gartner Info. Fjölrit og greinar í fagtímaritum
Markmið: Að nemandi öðlist staðgóða þekkingu á ræktun tómata, gúrku og papriku í gróðurhúsum
Lýsing: Fjallað ítarlega um ræktun á tómötum, gúrku og papriku. Tekin eru fyrir eftirfarandi atriði í umfjöllun um hverja tegund: Uppruni, grasafræðileg lýsing, latnesk heiti, yrki, fjölgun, uppeldi, útplöntun, vaxtarrými, rótardýnur, beðgerðir, vökvun, áburðarþörf og valkosti við áburðargjöf, hitakröfur, vöxtur og þroski, blóm- og aldinmyndun, almenn umhirða, plöntuvernd, uppskerustörf, geymsla og vörumeðhöndlun, skipulag og ræktunaráætlanir. Lífræn ylræktun ofangreindra tegunda kynnt. Verklegar æfingar í uppeldi og ræktun matjurta í gróðurhúsum.
NÁL 113 Náttúruumönnun og landgræðsla
Kennari: NN
Námsefni: Náttúruverndarlögin, sérprent úr stjórnartíðindum.; Ramsar, Bern og aðrar alþjóðasamþykktir til verndar dýra- og plöntutegundum.; Umhverfisráðuneytið, sérprent.; Gátlisti um mat á umhverfisáhrifum frá Landgræðslunni í Gunnarsholti.; Gátlisti frá skipulagsstofnun og verkfræðistofunni Hönnun, endurskoðaður m.t.t nýju laganna um mat á umhverfisáhrifum.; Valdir kaflar úr bókinni; Friluftsliv trenger mer en arealer. TemaNord 1996.; Landlæsi, útgefandi RALA.; Ástand hrossahaga, Útgefandi RALA.; Notkun á melfræi og beringspunkti við uppgræðslu. Leiðbeiningar (fjölrit) frá Landgræðslunni í Gunnarsholti.; Nýjar leiðir við endurheimt landgæða, Ása L. Aradóttir. Landgræðslubókin V bls. 65-72.; Belgjurtir og landbætur, Jón Guðmundsson, Landgræðslubókin V bls 73-80.; Birki til landgræðslu, Sigurður Magnússon, Ráðunautafundur 1989. Bændhöllinni 6-10/2 bls. 99-108.
Markmið: Að nemandi tileinki sér helstu atriði náttúruverndarlaga og skilji tilganginn með setningu þeirra. Þekki til helstu alþjóðasamþykkta sem Ísland er aðili að og snerta náttúruvernd. Fái innsýn í hvernig gátlistar fyrir umhverfismat eru uppbyggðir. Fái æfingu í því að meta ástand lands með tilliti til gróðurfars og fái innsýn í helstu úrræði við landgræðslu
Lýsing: Hér er farið í gegnum náttúruverndarlögin og landgræðslulögin auk þess sem gátlistar um umhverfismat eru kynntir og uppbygging þeirra. Einnig er farið í alþjóðlegar samþykktir sem Ísland er aðili að. Unnið er með leiðir til að meta ástand lands (landlæsi) ekki síst beitarsvæða og helstu úrræði við landgræðslu.
NÁT 112 Náttúruauðlindir
Kennari: NN
Námsefni: Eftir ábendingum kennara
Markmið: Að nemandi fái æfingu í að líta á náttúruauðlindir sem bankainnistæðu jarðar, þekki til helstu náttúruauðlinda Íslands, fái innsýn í nýtingu neysluvatns með hliðsjón af reglum sem gilda um það. Að nemandi læri að líta á loftgæði á auðlind og þekki hvaða leiðir eru farnar á Íslandi til að meta ástand lofts. Fái innsýn í nýtingu jarðhita með sérstöku tilliti til umhverfisáhrifa. Þekki til áhrifa vatnsvirkjana á umhverfi sitt. Þekki til hagnýtanlegra jarðefna og náma á Íslandi, ásamt helstu atriða umhverfisskipulags sem taka verður tillit til við vinnsluna og fái innsýn í möguleika skógræktar til að skapa skóg sem auðlind framtíðar.
Lýsing: Bankainnistæða jarðar í formi náttúruauðlinda kynnt með sérstakri áherslu á nýtanlegar orkuauðlindir, m.a. jarðefnaeldsneyti. Náttúruauðlindir Íslands athugaðar sérstaklega: Landgæði með tilliti til landnýtingar, landeyðingar og núverandi ástands gróðurfars. Nýting jarðhita með sérstöku tilliti til umhverfisáhrifa. Neysluvatn, vinnsla, meðhöndlun, mengunarvarnir. Fallvötn og áhrif vatnsvirkjana á umhverfi sitt. Hagnýtanleg jarðefni og námur á Íslandi. Loftgæði á Íslandi, mælingar á loftmengun. Einnig er skógurinn tekinn fyrir sem auðlind framtíðar.
PLÖ 113 Plöntuvernd
Kennari: Björn Gunnlaugsson, cand.agro., bjorng@lbhi.is
Námsefni: Ljósrit.
Markmið: Að nemandi kunni skil á helstu plöntuskaðvöldum sem herja á plöntur hér á landi og vörnum gegn þeim og þeim varnaraðgerðum og varnarefnum sem beitt er gegn plöntuskaðvöldum og illgresi hérlendis. Þekki lög og reglugerðir og reglur sem gilda um innflutning, sölu og notkun varnarefna hér á landi og öðlist þá þekkingu á plöntuvernd sem fullnægir skilyrðum til að sækja um eiturefnaskírteini.
Lýsing: Gefa skal nemendum þá líffræðilegu undirstöðu, sem nauðsynleg er til þess að skilja orsakir skaða á plöntum af völdum lífvera og kjarrænna þátta. Lífsferill algengra meindýra, sjúkdómsvaldandi baktería og sveppa á gróðri rakinn svo og smitleiðir veira. Fjallað um skemmdir á plöntum af völdum umhverfis- og veðurfarsþátta (einkum frost- og kæliskaða, mengun og næringarsjúkdóma). Æxlun og dreifing illgresis, helstu illgresistegundir hér á landi og varnir gegn þeim. Fjallað ítarlega um varnaraðgerðir m.a. líffræðilegar varnir og notkun varnarefna. Kennt um helstu eiturhrif varnarefna á dýr og menn. Lög og reglugerðir varðandi varnarefni, plöntusjúkdóma og meindýr á plöntum kynnt. Einnig fjallað lítillega um lífverur sem eru í samlífi með plöntum, einkum svepprótarsveppi.
PLÖ 112 Plöntuvernd B
Kennari: Björn Gunnlaugsson, cand.agro., bjorng@lbhi.is
Námsefni: Ljósrit.
Markmið: Að nemandi kunni skil á helstu plöntuskaðvöldum sem herja á plöntur hér á landi og vörnum gegn þeim. Kunni skil á þeim varnaraðgerðum og varnarefnum sem beitt er gegn plöntuskaðvöldum hér á landi. Þekki lög og reglugerðir og reglur sem gilda um innflutning, sölu og notkun varnarefna hér á landi og öðlist þá þekkingu á plöntuvernd sem fullnægir skilyrðum til að sækja um eiturefnaskírteini.
Lýsing: Gefa skal nemendum þá líffræðilegu undirstöðu, sem nauðsynleg er til þess að skilja orsakir skaða á plöntum af völdum lífvera og kjarrænna þátta. Lífsferill algengra meindýra, sjúkdómsvaldandi baktería og sveppa á gróðri rakinn svo og smitleiðir veira. Fjallað ítarlega um varnaraðgerðir m.a. líffræðilegar varnir og notkun varnarefna. Kennt um helstu eiturhrif varnarefna á dýr og menn. Lög og reglugerðir varðandi varnarefni, plöntusjúkdóma og meindýr á plöntum kynnt.
POT 112 Pottaplöntur I
Kennari: Júlíana R. Einarsdóttir, blómaskreytir, juli@lbhi.is
Námsefni: Kristín Þórðardóttir. 1997. Pottaplöntur 1 og 2. Garðyrkjusk. Ríkisins.
Markmið: Að nemandi þekki algengustu pottaplöntur sem seldar eru hér á landi, með það í huga að þjóna viðskiptavinum sínum sem best. Þessu skal ná með því að nemandi þekki nöfn og sérkenni á öllum algengustu pottaplöntum sem til eru í blómaverslunum hér, þekki til umhirðu á algengustu pottaplöntunum og viti hvaða plöntur henta til samplantana og skreytinga. Einnig að hann viti hvaða plöntur henta í almennar blómaskreytingar, með útlit og vaxtarhraða í huga.
Lýsing: Fjallað verður um u.þ.b. 100 tegundir af algengum stofuplöntum. Kennslan byggist á stuttum fyrirlestrum nemenda og kennara um hverja tegund. Reynt verður eftir föngum að fjalla um tegundir sem til eru í pottaplöntusafni skólans. Lögð verður áhersla á latneskt heiti, íslenskt heiti, ætt, lýsingu á plöntunni og almennar ræktunarleiðbeiningar, svo sem valkosti við notkun áburðar. Fjallað verður um tegundir sem eru heppilegar til notkunar í pottaplöntuskreytingar, m.t.t. raka, birtu og hita.
POT 212 Pottaplöntur II
Lokið áður: Pottaplöntur I
Kennari: Júlíana R. Einarsdóttir, blómaskreytir, juli@lbhi.is
Námsefni: Kristín Þórðardóttir. 1997. Pottaplöntur 1 og 2. Garðyrkjusk. Ríkisins.
Markmið: Að nemandi þekki algengustu pottaplöntur sem seldar eru hér á landi, með það í huga að þjóna viðskiptavinum sínum sem best. Þekki íslensk og latnesk heiti plantnanna, ætt, útlit, sérkenni og ákjósanlegustu vaxtarskilyrði. Þekki nöfn og sérkenni á öllum algengustu pottaplöntum sem til eru í blómaverslunum hér og kunni skil á umhirðu þeirra. Að nemandi viti hvaða plöntur henta til samplantana og skreytinga og viti hvaða plöntur henta í almennar blómaskreytingar, með útlit og vaxtarhraða í huga.
Lýsing: Fjallað verður um u.þ.b. 100 tegundir af algengum stofuplöntum. Kennslan byggist á stuttum fyrirlestrum nemenda og kennara um hverja tegund. Reynt verður eftir föngum að fjalla um tegundir sem til eru í pottaplöntusafni skólans. Lögð verður áhersla á latneskt heiti, íslenskt heiti, ætt, lýsingu á plöntunni og almennar ræktunarleiðbeiningar, svo sem valkosti við notkun áburðar. Fjallað verður um tegundir sem eru heppilegar til notkunar í pottaplöntuskreytingar, m.t.t. raka, birtu og hita.
RÁG 112 Rekstur og áætlanagerð
Lokið áður: BÓK-103 Nemendur verða að hafa lokið þessum áfanga áður en nám hefst við LBHÍ.
Námsefni: Þórhallur Hróðmarsson. 1999. Litla rekstrarhandbókin.; Virðisaukaskattur, leiðbeiningar og dæmi, Ríkisskattsjóri, desember 1998.; Ýmis eyðublöð og leiðbeiningar frá ríkisskattstjóra.; Lög um einkahlutafélög, Iðnaðar og viðskiptaráðuneytið, janúar 1998.
Markmið: Að nemandi kunni skil á grunnhugtökum svo sem eignum, skuldum, eigin fé, gjöldum, tekjum, hagnaði og tapi og hvernig þessi hugtök tengjast í bókhaldi. Kunni skil á virðisaukaskatti og hvernig hann er færður í bókhaldi. Kunni skil á flokkun kostnaðar í fastan kostnað og breytilegan kostnað. Kunni skil á framlegð, álagningu og núllpunktsgreiningu. Kunni skil á vísitölum, framreikningi eftir þeim, verðtryggingu og geta reiknað út lán (venjuleg skuldabréfalán (raðgreiðslulán) og jafngreiðslulán. Geti gert rekstraráætlanir og greiðsluáætlanir og fyllt út fyrningaskýrslu. Hafi kynnt sér algengustu kennitölur, sem notaðar eru til að meta arðsemi, greiðsluhæfi o.fl., sem lýtur að tilverumöguleikum og samkeppnishæfi fyrirtækja. Hafi farið í gegn um stofnun einkahlutafélags (hluti af verkefni). Geti tjáð sig af skynsemi um rekstrarlega þætti og viti hvar þeir eiga að leita upplýsinga.
Lýsing: Farið er yfir helstu undirstöðuatriði bókhalds og rekstrarhagfræði og fjallað um ársuppgjör, skattaskil og áætlanagerð, t.d. rekstraráætlanir, greiðsluáætlanir og fjárfestingaráætlanir. Leitast er við að tengja fyrri þekkingu og reynslu nemenda ásamt faglegri þekkingu, sem þeir öðlast í skólanum við raunverulegt rekstrarumhverfi. Hluti af áfanganum er verkefni, sem tveir og tveir nemendur vinna saman, þar sem þeir stofna sýndarfyrirtæki (einkahlutafélag) á sínu fagsviði og gera könnun á afkomu- og rekstrarmöguleikum þess.
SAN 111 Samplantanir og niðurröðun
Kennari: Júlíana R. Einarsdóttir, blómaskreytir, juli@lbhi.is (mig minnir að hún hafi séð um þennan áfanga)
Námsefni: Kristín Þórðardóttr. 1997. Pottaplöntur. Garðyrkjuskóli ríkisins. Ítarefni úr ýmsum bókum.
Markmið: Að nemandi geti gert pottaplöntuskreytingar á sem bestan hátt miðað við birtu, raka, og hita umhverfis. Að uppröðunin sé rétt miðað við vaxtarlag, útlit og einkenni plantnanna. Að hann þekki þær plöntur sem unnið er með, hvernig þær eldast, og koma til með að vaxa, með samplöntun í huga. Að hann viti hvaða plöntur eru heppilegar til ræktunar með skreytingar í huga, hverjar henta til afklippingar í blómaskreytingar og hvaða garðplöntur henta í blómaskreytingar.
Lýsing: Fjallað verður um plöntunotkun og niðurröðun í heimahúsum, gróðurskálum, opinberum byggingum og skrifstofuhúsnæði (interior landscaping). Farið í útlit, íslenskt og latneskt heiti þeirra plantna sem unnið er með hverju sinni. Farið yfir hvaða plöntur henta vel saman í pottaplöntuskreytingar, miðað við hita, raka og birtu.
SBG 114 Skipulag og bygging garðyrkjustöðva
Kennari: Björn Gunnlaugsson, cand.agro., bjorng@lbhi.is
Námsefni: Ljósrit.
Markmið: Að nemandi kunni skil á helstu gerðum gróðurhúsabygginga hér á landi, byggingarefni þeirra og nauðsynlegum búnaði. Þekki uppbyggingu geymsluhúsnæðis og annarra bygginga garðyrkjustöðva. Hafi innsýn í fjármagnsþörf og lánamöguleika við byggingu garðyrkjustöðva
Lýsing: Ágrip af sögu gróðurhúsabygginga á Íslandi og helstu garðyrkjuhverfi í landinu. Skipulag og þættir sem ráða staðarvali gróðurhúsa. Fjallað um byggingafræðilega þætti, svo sem byggingarlag gróðurhúsa, undirstöður, framræslu, efnisval, upphitun, loftræstingu, innréttingar, gardínur, stjórntæki og byggingakostnað. Einnig verður fjallað um kæligeymslur, kælivélar, pökkunarhús og aðrar byggingar sem tengjast rekstri garðyrkjustöðva. Verkefni í skipulagningu og hönnun á garðyrkjustöð.
SDV 112 Skipulag dvalarstaða og útivistarsvæða
Kennari: NN
Námsefni: Skýrslur Náttúruverndar ríkisins og annað efni eftir ábendingum kennara
Markmið: Að nemandi hafi kynnst vinnubrögðum við þarfagreiningu dvalar- og útivistarsvæða, fái innsýn inn í ræktunaráætlanir og skipulag dvalar- og útivistarsvæða og geti gert grein fyrir helstu náttúruverðmætum og eigindum tiltekinna svæða.
Lýsing: Þarfagreining á dvalar- og útivistarsvæðum á Íslandi, ræktunaráætlanir og skipulag dvalar- og útivistarsvæða, náttúruverðmæti og eigindir dvalar- og útivistarsvæða, rekstur.
SKÁ 114 Skógræktaráætlanir
Kennari: NN
Námsefni: Farið í gegnum uppbyggingu skógræktaráætlana bændaskógræktar ekki síst með tilliti til Landnýtingar og verndunarþátta.; Valdir kaflar úr bókunum: Grundboken, Skogsstyrelsens förlag 551 83 Jönköping 4 utg. 1989; Miljöanpassad skogsföryngring, Skogsstyrelsens förlag 551 83 Jönköping 1997; Det nya landskapet, Skogsstyrelsens förlag 551 83 Jönköping, 1994.;
Loftmyndir til innfyllingar (gróðurfar, halli lands, jarðvegsdýpt) og keyrslu í Microaccsession og þannig undirbúið undir GIS vinnslu.
Ítarefni; Multimedia GIS: A New Tool for Landuse Planning eftir Markus Weidenbach, Ludwig-Maximilians University, Munich 24p 1998
Markmið: Að nemandi skilji hlutverk og uppbyggingu skógræktaráætlana. Hafi öðlast æfingu í að lesa kort og safna grunnupplýsingum sem nýtst geta til kortagerðar og til áætlanagerðar skógfræðinga. Hafi innsýn í GIS hnitakerfið og hvernig það nýtist til kortagerðar. Sé fær um að skipuleggja vinnu og vinna eftir skógræktaráætlunum. Hafi innsýn í hvaða náttúruverndar- og landnýtingarsjónarmið liggja til grundvallar verndaráætlunum í skógrækt
Lýsing: Farið er í hlutverk og uppbyggingu skógræktaráætlana, í verklegu æfingunum er hér lögð áhersla á áætlanalæsi. Einnnig eru kort og kortalæsi tekin ásmt meðfylgjandi verklegum æfingum, auk þess sem farið er í gagnasöfnun fyrir áætlanagerð skógfræðinga. Farið er gegnum undirstöðuatriðin í GIS ásamt verklegum æfingum
Einnig eru verndaráætlanir skoðaðar út frá náttúruverndar- og landnýtingarsjónarmiðum.
SKB 112 Skrúðgarðabyggingafræði I
Kennari: Ólafur Melsted, landslagsarkitekt Dipl. ing., olafurm@lbhi.is
Námsefni: Ólafur Melsted og Baldur Gunnlaugsson. 2001. Skrúðgarðabyggingafræði I. Garðyrkjuskóli ríkisins., . Auður Sveinsd. og Fríða B. Eðvarðsdóttir. 1995. Garðurinn hugmyndir að skipulagi og efnisvali,. Stóra Garðabókin. 1996. Ritstj. Ágúst H. Bjarnason. Rvík, Forlagið. Skipulags- og byggingarlög, Skipulagsstofnun. Skipulags- og bygginarreglugerð, Skipulagsstofnun. Fjölrit og annað efni eftir ábendingum kennara
Markmið: Að nemandi fái innsýn í lög og reglugerðir skipulags og byggingarmála. Kunni skil á jarðvegsvinnu, jarðvegsflutningi og meðhöndlun jarðvegs. Tileinki sér þau vinnubrögð sem notuð eru við rúmmálsreikninga jarðvegs. Fái innsýn í þau yfirborðsefni sem eru á markaðnum. Kunni skil á úrlausnum og tækninlegum atriðum er lúta að vinnu við hellulagnir
Lýsing: Fjallað um lög og reglugerð skipulags- og byggingarmála. Fjallað um jarðvegsvinnu, meðhöndlun jarðvegs, gerð sneiðmynda til að reikna út rúmmál jarðvegs, ólíkar aðferðir sem nota má við rúmmálsreikninga, jarðvegsflutninga og burðarþol jarðvegs. Mismunandi yfirborðsefni skoðuð, samsetning þeirra, kostir og gallar. Farið er ítarlega í lagningu á hellum, undirbúning, framkvæmd og frágang. Skoðaðir helstu helluframleiðendur og framleiðslueiningar á markaðnum. Í verklegum æfingum verður lögð áhersla á hellulagnir.
SKB 214 Skrúðgarðabyggingafræði II
Lokið áður: Skrúðgarðabyggingafræði I
Kennari: Ólafur Melsted, Landslagsarkitekt Dipl. ing. olafurm@lbhi.is
Námsefni: Baldur Gunnlaugsson og Ólafur Melsted. 2001 Skrúðgarðabyggingafræði II. Einnig ljósrit
Markmið: Að nemandi fái innsýn í mismunandi kröfur til efnisvals og uppbyggingar ólíkra svæða. Fái innsýn í mismunandi skjólgjafa. Kunni skil á úrlausnum og tæknilegum atriðum við gerð tröppu og tröppustíga, hleðsla, girðinga og gerð tjarna og gosbrunna
Lýsing: Fjallað um mismunandi kröfur til efnisvals og uppbyggingar ólíkra svæða auk þess sem frætt er um tröppur og tröppustíga. Notkun náttúrulegra efna í hörð svæði, gerð hlaðinna veggja, vega og stíga. Fjallað er um gerð mismunandi skjólgjafa, gerð tjarna og gosbrunna. Verklegar æfingar í tröppum, hleðslum, girðingum og gerð tjarna og gosbrunna samhliða bóklegri yfirferð ásamt æfingum í landmælingum.
SKB 314 Skrúðgarðabyggingafræði III
Lokið áður: Skrúðgarðafræði I og Skrúðgarðabyggingafræði II
Kennari: Ólafur Melsted, landslagsarkitekt Dipl.ing. olafurm@lbhi.is
Námsefni: Ólafur Melsted og Baldur Gunnlaugsson. Skrúðgarðabyggingafræði III. Garðyrkjuskóli ríkisins. , . Auður Sveinsd. og Fríða B. Eðvarðsdóttir. 1995. Garðurinn hugmyndir að skipulagi og efnisvali,. Lög og reglugerðir um stjórnun og skipulag kirkjugarða. Fjölrit og annað efni eftir ábendingum kennara
Markmið: Að nemandi fái innsýn í hin ýmsu atriði sem við koma leiktækjum og leiksvæðum barna. Kunni skil á lögum og reglugerðum, stjórnun og skipulagi kirkjugarða á Íslandi. Fái innsýn í gerð og uppbyggingu íþróttavalla. Kunni skil á lausnum og tæknilegum atriðum er lúta að vinnu við útplöntun götutrjáa og útplöntun í gróðurker
Lýsing: Fjallað verður um leiksvæði barna, gerð leiktækja/leikvalla, staðsetningu , efnisval og ýmsar öryggiskröfur til leiksvæða og leiktækja barna. Einnig verður fjallað um kirkjugarða, lög og reglugerðir, stjórnun kirkjugarða á Íslandi, skipulagsuppdrætti og legstaðaskrá, uppbyggingu, framræslu, girðingar, framkvæmd og frágang. Í lok áfangans verður fjallað um íþróttasvæði, gerð malar- og grasvalla, staðsetningu, staðarval, undirbyggingu, framræslu, ýmsar vallarstærðir, efnisval, yfirborðslög og ýmis gerviefni. Kynning á gerð og uppbyggingu garðskála, þakgarðs og vistgötu. Fjallað um gerð mismunandi gróðurkerja og frágang götutrjáa. Kynning á uppbyggingu og eðli almenningsgarða, fólkvanga, þjóðgarða, tjaldsvæða og stutt kynning á umhverfisvernd. Verklegar æfingar um útplöntun götutrjáa og útplöntun í gróðurker.
SKF 112 Skrúðgarðafræði I
Kennari: Ólafur Melsted landslagsarkitekt Dipl.ing, olafurm@lbhi.is
Námsefni: Auður Sveinsdóttir og Fríða Eðvarðsdóttir. 1995. Garðurinn hugmyndir að skipulagi og efnisvali,; Stóra garðabókin. 1996. Ritstj. Ágúst H. Bjarnason.; Hólmfríður A. Sigurðardóttir. 2005. Garðblómabókin,.(útg.?) Fjölrit og annað efni eftir ábendingum kennara
Markmið: Að nemandi fái innsýn í sögu garðlistar og sögu skrúðgarðyrkjunnar. Kunni skil á uppbyggingu og gerð grassvæða og gróðurbeða. Fái innsýn í gerð plöntulista og verklýsinga fyrir plöntur. Kunni skil á þeim gæðakröfum sem gerðar eru til gróðurs. Kunni skil á gróðursetningu, meðferð, flutning og meðhöndlun trjágróðurs.
Lýsing: Farið í sögu garðlistar frá upphafi og stutt ágrip af sögu garðlistar og skrúðgarðyrkju á Íslandi. Uppbygging og gerð grassvæða og gróðurbeða. Fjallað um helstu eiginleika trjáa og runna, notkun og staðarval eftir mismunandi útisvæðum, gerð plöntulista og verklýsinga, gæðakröfur til gróðurs, ábyrgð á gróðri, gróðursetning, meðferð gróðurs, flutning og meðhöndlun trjágróðurs, vetrarþol og helstu skaða á gróðri. Kynntar verða óhefðbundnar aðferðir (vistfræðileg og líffræðileg inngrip) jafnt og hefðbundnar aðferðir sem eiga við í ofangreindum tilvikum. Í verklegum æfingum verður farið í undirbúning fyrir útplöntun, útplöntun og flutning trjágróðurs.
SKF 214 Skrúðgarðafræði II
Lokið áður: Skrúðgarðafræði I
Kennari: Ólafur Melsted, landslagsarkitekt Dipl.ing. olafur@lbhi.is
Námsefni: Auður Sveinsdóttir og Fríða Eðvarðsdóttir. 1995.; Garðurinn hugmyndir að skipulagi og efnisvali,. Stóra garðabókin. 1996. Ritstj. Ágúst H. Bjarnason.; Hólmfríður Sigurðardóttir. 2005. Garðblómabókin.; Baldur Gunnlaugsson og Ólafur Melsted. 2004. Umhirðuviðmið.; Fjölrit og annað efni eftir ábendingum kennara
Markmið: Að nemandi fái innsýn í þau atriði sem viðkoma hirðingu,viðhaldi, áburðargjöf og vökvun plantna. Kunni skil á hinum ýmsu grastegundum. Fái innsýn í stjórnun og umhirðu grænna svæða. Kunni skil á úrlausnum og tæknilegum atriðum er lúta að vinnu við sáningu og þakningu.
Lýsing: Fjallað verður um hirðingu, viðhald, áburðarþörf og valkosti við áburðargjöf og vökvun trjáa, runna, rósa, klifurplantna og berjarunna. Farið verður yfir umhirðu viðkvæmra plantna, blómlauka og fjölæringa. Yfirlit yfir árlegt viðhald og umhirðu útisvæða. Kynntar verða óhefðbundnar aðferðir við umhirðu (vistfræðileg og líffræðileg inngrip) til jafns við hefðbundnar aðferðir. Einnig verður fjallað um mismunandi grassvæði, grastegundir, undirbúning undir ræktun, sáningu, þakningu og hirðingu útisvæða. Uppbyggingu grassvarðarins, mismunandi grastegundir, sortir og viðhald. Verkefni um viðhald og umhirðu verða unnin samhliða bóklegri yfirferð. Verklegar æfingar.
SKG 112 Skrúðgarðar
Lokið áður: Tré og runnar I
Kennari: Ólafur Melsted, landslagsarkitekt Dipl.ing. olafurm@lbhi.is
Námsefni: Auður Sveinsd. og Fríða B. Eðvarðsdóttir. 1995. Garðurinn hugmyndir að skipulagi og efnisvali.,. Fjölrit og annað efni eftir ábendingum kennara
Markmið: Að nemandi fái innsýn í sögu garðlistar og sögu skrúðgarðyrkju á Íslandi. Fái innsýn í notkun garðagróðurs í einkagörðum og skrúðgörðum. Kunni skil á plöntulistum og verklýsingum við þá. Kynnist lítilega hellulögnum, hleðslum, tröppum, skjólgirðingum og vatnstjörnum.
Lýsing: Sögulegt yfirlit yfir þróun garðlistar frá fornu fram á 20. öld. Ágrip af sögu garðlistar og skrúðgarðyrkju á Íslandi. Fjallað verður um skipulag einkagarðsins, farið í uppsetningu garðsins, aðkomugarð, dvalarsvæði, nytjasvæði og leiðsvæði. Helstu einkenni trjáa og runna s.s. lögun vaxtarrými, litir, aldur og blaðverk. Plöntulistar og verklýsingar. Stutt kynning á hellulögnum, hleðslum, tröppum, skjólgirðingum og vatnstjörnum. Hluti af áfanganum er verkefnavinna.
SKL 112 Skjólbelti
Kennari: NN
Námsefni: Björn B. Jónsson, Hallur Björgvinsson, Gunnar Freysteinsson. 1998. Skjólbeltarækt, , Selfoss Skógarþjónusta Skógræktar ríkisins.; Ólafur S. Njálsson. 1984. Skjólbelti, gerð þeirra og skjóláhrif. Ársrit skógræktarfélags Íslands 1984 bls. 3-26.; Olsen J.. 1979. Læplantning. Landhusholdningsselskabets Forlag Köbenhavn. (3 kaflar: Dyrkningssikkerhed, Klimaforberedning og Landskabspleje).
Markmið: Að nemandi hafi innsýn í veðurfarsleg og landfræðileg áhrif skjólbelta og staðsetningu þeirra, þekki til plöntutegunda til notkunar í ýmsar gerðir skjólbelta bæði með tilliti til landfræðilegra og veðurfarslegra þátta, hafi kynnt sér kostnaðaráætlanir við skjólbeltarækt . Að nemandi þekki til skipulagsmöguleika til að auka hagkvæmni og virkni við grundvöllun skjólbelta, þekki til framkvæmdaáætlana við skjólbeltaræktun frá plöntun til þroskunar og þekki þá þætti sem þurfa að vera til staðar við áframhaldandi umhirðu skjólbelta.
Lýsing: Áhrif skjólbelta og staðsetning þeirra með tilliti til landfræðilegra og veðurfarslegra þátta skoðuð. Farið í gegnum val á plöntutegundum til notkunar í skjólbelti bæði m.t.t. landfræðilegra, veðurfarslegra og nýtingarþátta. Kostnaðaráætlanir við skjólbeltarækt kannaðar ásamt skipulagsmöguleikum til að auka hagkvæmni og virkni við grundvöllun. Farið er í framkvæmd og framkvæmdaáætlanir skjólbeltaræktunar frá plöntun til þroskunar ásamt áframhaldandi umhirðu skjólbelta.
SKÓ 113 Skógrækt
Kennari: NN
Námsefni: Bækur, fjölrit og annað efni eftir ábendingum kennara
Markmið: Að nemandi fái yfirsýn yfir sögu skógræktar á Íslandi, stöðu skógarmála og ástand skóga. Innsýn í ræktun og friðun skóga á Íslandi og þau sérstöku vandamál sem við er að glíma í skógrækt á Íslandi. Að nemandi kynnist þeim aðferðum sem notaðar eru við gróðursetningu og hirðingu skóga.
Lýsing: Yfirlit yfir sögu skógræktar á Íslandi og skógræktarskilyrði. Kynning á skógarnytjum og markmiðum skógræktar; nytjaskógrækt, landgræðsluskógrækt og útivistarskógrækt. Farið yfir gróðursetningu skógarplantna, grisjun og umhirðu skóga. Ræktun skjólbelta, uppbygging, helstu tegundir og umhirða. Skipulag skógræktarstarfs, félagskerfi skógræktar hér á landi, skógrækt á bújörðum. Rannsóknir á skógarplöntum og skógrækt á Íslandi, trjámælingar, trjákynbætur, úrvalsathuganir, vistfræði skógarins, trjáskaðar. Hluti áfangans eru verklegar æfingar.
SKP 112 Skógarplöntuframleiðsla
Kennari: Guðríður Helgadóttir, BS, gurry@lbhi.is
Námsefni: Hartmann, H.T., Kester, D.E. o.fl. 2002. Plant Propagation 7. útg. Prentice Hall, New-Jersey. Sigurður Blöndal og Skúli Björn Gunnarsson. 1999. Íslandsskógar: Hundrað ára saga. Mál og mynd. Valdir kaflar.
Markmið: Að nemandi fái innsýn í sögu garð- og skógarplöntuframleiðslu á Íslandi, kunni skil á grunnþáttum í ræktunartækni, svo sem jarðvinnslu á mismunandi gerðum jarðvegs, notkun mismunandi áburðartegunda við ræktun og notkun gróðurhúsa við skógarplöntuframleiðslu. Skilji hvað felst í kynæxlun garðplantna og hvernig garðyrkjumenn hagnýta sér þá vitneskju og hvaða áhrif fæðuval og geymsla fræs hafi á árangur ræktunar. Að nemandi geti sett upp framleiðsluáætlun fyrir algengustu tegundir skógarplantna og limgerðis- og skjólbeltaplantna og kunni skil á fjölgun limgerðis- og skjólbeltaplantna með vetrargræðlingum
Lýsing: Saga garð- og skógarplöntuframleiðslu á Íslandi. Grunnþættir í ræktunartækni eru teknir fyrir, jarðvinnsla, klipping plantna í uppeldi, áburðarþörf plantna og áburðargjöf, ræktun í gróðurhúsum, smitun með svepprót. Lífræn ræktun skógarplantna kynnt. Farið er í kynæxlun plantna, frædvala, verkun og geymslu fræja. Uppeldi plantna upp af fræi verður tekin fyrir með sérstakri áherslu á skógarplöntur. Fjölgun á limgerðis- og skjólbeltaplöntum með vetrargræðlingum. Heimsóknir í gróðrarstöðvar og verklegar æfingar.
SKT 115 Skrúðgarðateiknun og skipulag
Lokið áður: Skrúðgarðabyggingafræði III, Skrúðgarðafræði II
Kennari: Ólafur Melsted, landslagsarkitekt Dipl.ing., olafurm@lbhi.is og Baldur Gunnlaugsson, skrúðgarðatæknir, baldur@lbhi.is
Námsefni: Auður Sveinsdóttir og Fríða B. Eðvarðsdóttir. 1995. Garðurinn hugmyndir að skipulagi og efnisvali, Brooks, John. 1994-1995. Garden design book. Texta- og verkefnabók. Fjölrit og annað efni eftir ábendingum kennara
Markmið: Að nemandi fái innsýn í skipulag einkagarðsins og kunni skil á helstu atriðum sem viðkoma uppsetningu garðsins. Fái innsýn í notkun gróðurs í einkagarðinum. Kunni skil á hinum ýmsu atriðum sem varða stærð teikninga, mælikvarða, teikniáhöld og frágang teikninga. Að nemandi sé í lok áfangans fær um að vinna með skrúðgarðateikningar og vinna úr upplýsingum þeirra. Fái innsýn í hin ýmsu atriði sem varða uppbyggingu skrúðgarðsins
Lýsing: Fjallað verður um skipulag einkagarðsins og lögð áhersla á helstu atriði við skipulag einkagarðsins og mat á þeim. Farið verður í uppsetningu garðsins, staðsetningu húss á lóð, aðkomugarður, dvalarsvæði, nytjasvæði, leiksvæði, innkeyrsla /bifreiðastæði, notkun gróðurs, staðseting ýmiss búnaðar á lóð.
Teikningar: Stærð á teikningum, mælikvarði, dagsetning, titill, skýringar, teikniáhöld, teiknivinna, frágangur teikninga.
Æfingaverkefni: Nemandi leysir fyrst nokkur ólík verkefni tengd mismunandi þáttum skrúðgarðyrkju. Lokverkefnið er skipulag einkalóðar þar sem gerð er grein fyrir afstöðumynd, skipulagsuppdrætti með hæðarsetningum, plöntuvalsteikningu og hlutateikningu. Stutt kynning á notkun Autocad teikniforrits í skrúðgarðateikningu.
TRÉ 112 Tré og runnar I
Kennari: Guðríður Helgadóttir, BS, gurry@lbhi.is
Námsefni: Ólafur Njálsson. 2005. Tré og runnar 1.-4. Fjölrit útg. af Ó.N.
Markmið: Að nemandi kunni skil á þeim tegundum sem nota má í garðrækt, skógrækt og landgræðslu. Kunni íslensk og latnesk heiti á þeim tegundum sem fjallað var um. Kunni íslensk og latnesk heiti á þeim ættum og ættkvíslum sem fjallað var um. Þekki tegundirnar og viti hvernig þær líta út í aðalatriðum. Viti um helstu eiginleika hverrar tegundar, kröfur til jarðvegs og birtu og möguleika á notkun. Fái innsýn á skiptingu Íslands í mismunandi ræktunarsvæði
Lýsing: Fjallað um helstu tegundir trjáa og runna sem nota má í garðrækt, skógrækt og landgræðslu. Íslensk og latneskt heit og skipan tegunda í ættir og ættkvíslir. Skipting Íslands í mismunandi ræktunarsvæði fyrir trjágróður.
TRÉ 213 Tré og runnar II
Lokið áður: Tré og runnar I
Kennari: Guðríður Helgadóttir, BS, gurry@lbhi.is
Námsefni: Ólafur Njálsson. 2005. Tré og runnar 1.-4. Fjölrit útg. af Ó.N.
Lýsing: Haldið áfram að fjalla um helstu tegundir sem nota má í garðrækt. Farið yfir tré og runna í kalda/svala garðskála. Fjallað um sjaldgæfar tegundir trjáa og runna í garðrækt. Búnir til greiningalyklar fyrir tegundastórar ættkvíslir. Flokkun trjátegunda eftir eiginleikum og notagildi t.d. eftir hæð, vaxtarformi, vaxtarhraða, blaðverki blómgun og aldinmyndun. Rannsóknir á trjám og runnum á Íslandi. Kennt hvernig þekkja megi trjátegundir í vetrarbúningi.
Markmið: Að nemandi kunni íslensk og latnesk heiti á þeim tegundum sem fjallað var um. Kunni íslensk og latnesk heiti á þeim ættum og ættkvíslum sem fjallað var um. Þekki tegundirnar og viti hvernig þær líta út í aðalatriðum. Viti um helstu eiginleika hverrar tegundar, kröfur til jarðvegs og birtu og möguleika á notkun. Fái innsýn í helstu tegundir sem henta í garðskála. Fái innsýn í flokkun trjátegunda eftir eiginleikum, notagildi o.þ.h. og læri að þekkja plöntur í vetrarbúningi.
TIB 112 Tilboðs og áætlanagerð
Lokið áður: Skrúðgarðabyggingafræði III, Skrúðgarðafræði II
Kennari: NN
Námsefni: Íslenskur staðall ÍST 30. Opinberar framkvæmdir. Handbók gefin út af fjármálaráðuneyti . Fjölrit og annað efni eftir ábendingum kennara
Lýsing: Farið verður í eftirfarandi atriði í fyrirlestrum. Fjallað um íslenskan staðal ÍST 30 og ágrip af byggingarlögfræði. Skoðuð mismunandi útboðsform, verksamningar, undirverktakasamningar og tilhögun útboða. Farið í endurskoðun teikninga, verklýsinga, sérlýsinga og magntala, skoðaðar kröfur um verkfrágang ofl. Farið í gerð tilboða og fjallað um ýmsa kostnaðarliði. Gerð áætlana og fjallað um verkstjórnun og verkyfirlit.
Markmið: Að nemandi kunni skil á meginatriðum ÍST 30 og mismunandi útboðsformum,verksamningum og tilhögun útboða og tilboða og sé í lok áfangans fær um að vinna úr upplýsingum útboðsgagna og gera tilboð í verk.
TRR 112 Trjá- og runnaklippingar I
Kennari: Þorkell Gunnarsson, skrúðgarðatæknir, lystigardar@simnet.is
Námsefni: Fjölrit og annað efni eftir ábendingum kennara.
Markmið: Að nemandi læri klippingar á algengustu lauf- og barrtrjám á Íslandi. Kynnist uppbyggingu og viðhaldi limgerða og skjólbelta. Fái innsýn í það verkfæri sem notuð eru við trjáklippingar. Kunni skil á úrlausnum og tæknilegum atriðum er lúta að vinnu við trjáklippingar
Lýsing: Farið í klippingu og grisjun algengustu lauf- og barrtrjáa á Íslandi, auk helstu berjarunna. Kennd eru öll undirstöðuatriði trjáklippinga, uppbygging og viðhald limgerða og skjólbelta og um val á verkfærum og meðferð þeirra. Einnig er fjallað um flutning trjáa og uppbindingu þeirra. Áfanginn gerir ráð fyrir verklegri kennslu.
TRR 212 Trjá- og runnaklippingar II
Lokið áður: Trjá- og runnaklippingar I
Kennari: Þorkell Gunnarsson, skrúðgarðatæknir, lystigardar@simnet.is
Námsefni: Bækur, fjölrit og annað efni eftir ábendingum kennara
Markmið: Að nemandi læri klippingar á rósum, skrautrunnum og limgerðum. Læri formklippingu, klippingu og uppbindingu klifurplantna. Fái innsýn í klippingu á helstu garðskálaplöntum. Kunni skil á úrlausnum og tæknilegum atriðum er lúta að vinnu við trjáklippingar
Lýsing: Kennd er klipping rósa og annarra skrautrunna, limgerða og formklipping, Klipping og uppbinding klifurplantna, berjarunna og helstu garðskálaplantna. Einnig er farið í klippingu og grisjun fjölærra plantna. Áfanginn gerir ráð fyrir verklegri kennslu.
UMÁ 114 Umhverfisáætlanir
Kennari: NN
Námsefni: Stefán Gíslason, fjölrit frá staðardagskrárvefnum apríl 2000 kaflarnir RIO 1992, Staðardagskrá 21 og Staðardagskrárverkefnið. Sjálfbær þróun í íslensku samfélagi, mat á stöðu framkvæmdaáætlunar, Mars 1999. Annað efni eftir ábendingum kennara
Markmið: Að nemandi hafi kynnt sér meginefni Dagskrár 21 og annara alþjóðasamþykkta sem snerta Staðardagskrá 21 og þekki efni Staðardagskrár 21. Geri sér grein fyrir inntaki og markmiðum Staðardagskráráætlana og viti hvaða grundvallarreglum sé fylgt við gerð áætlana fyrir Staðardagskrá 21. Að nemandi þekki til stöðu Staðardagskrárvinnunar hérlendis og viti hvernig undirbúnigsvinnu og heimildasöfnum sé háttað áður en staðardagskrárverkefni er hleypt af stokkunum. Einnig að nemandi þekki til framkvæmdar Staðardagskráráætlana og uppbyggingar almannatengsla og hafi fjallað um framkvæmd árangursmælinga sem snerta Staðardagskrárvinnuna.
Lýsing: Dagskrá 21 og aðrar alþjóðasamþykktir sem snerta Staðardagskrá 21 kynnt. Inntak og markmið Staðardagskráráætlana tekin til umfjöllunar ásamt gerð áætlana fyrir Staðardagskrá 21. Staða Staðardagskrárvinnunnar hérlendis kynnt. Farið í undirbúning að vinnu við Staðardagskrá 21 ásamt söfnun heimilda. Framkvæmd Staðardagskráráætlana og uppbygging almannatengsla skoðuð. Framkvæmd árangursmælinga tekin til umfjöllunar.
UMH 112 Umhverfisfræði I
Kennari: Guðríður Helgadóttir, BS, gurry@lbhi.is
Námsefni: Botkin og Keller. Environmental Science, 4. útgáfa. Þorvaldur Árnason 1998. Umhverfismennt, , útg. Aðstoð sf. bls. 11-42. Claes Sjöberg og Bo Thunberg 1996. Umhverfisbókin. Annað efni eftir ábendingum kennara
Markmið: Að nemandi fái innsýn í sögu umhverfisfræðinnnar og helstu umhverfisvandamál liðinna alda, orsakir og afleiðingar aukins umhverfisálags. Skilji í stórum dráttum þær orsakir sem gert hafa uppblástur og eyðimerkurmyndun að aðalumhverfisvanda Íslands. Skilji tengslin milli rofgirni og sérstöðu íslensks eldfjallajarðvegs annars vegar og jarðvegseyðingar hins vegar. Þekki leiðir til að bæta og varðveita landgæði. Hafi innsýn í þá möguleika sem skógrækt og landgræðsla gefa til bindingar koltvíildis úr loftinu og helstu undirstöðuatriði landnýtingar. Þekki til staðla sem notaðir eru eru við grænt skipulag í bæjar- og sveitarfélögum og þekki til skipulags hálendisins í höfuðdráttum
Lýsing: Rakin er stuttlega saga umhverfisfræðinnar og helstu umhverfisvandar sögunnar kynntir. Margþættar orsakir og afleiðingar aukins umhverfisálags raktar og kynntar. Fjallað um uppblástur og eyðimerkurmyndun sem höfuðumhverfisvanda Íslands. Jarðfræði með sérstöku tilliti til rofgirni íslensks jarðvegs og jarðvegseyðingar. Leiðir kynntar til að bæta og varðveita landgæði. Farið í möguleika skógræktar og landgræðslu með tilliti til gróðurhúsaáhrifa og bindingar koltvíildis úr loftinu. Farið í undirstöðuatriði landnýtingar. Farið í staðla sem notaðir eru í sambandi við grænt skipulag í og kringum bæjarfélög. Skipulag hálendisins skoðað.
UMH 213 Umhverfisfræði II
Lokið áður: Umhverfisfræði I
Kennari: Guðríður Helgadóttir, BS, gurry@lbhi.is
Námsefni: Botkin og Keller. Environmental Science, 4. útgáfa.
Lýsing: Grundvallarstraumakerfi hafdjúpanna kannað og áhrif væntanlegrar hlýnunar rædd. Farið í umhverfisáhrif ósonlagsþynningarinnar og hlutverk þrávirkra klórflúorkolefna í því sambandi. Súrt regn, geislavirkni og mengun af völdum þungmálma tekin fyrir. Einnig lífræn mengun og áhrif umhverfisestrógena. Hugtakið vistvænar fjölskyldur kynnt.
Markmið: Að nemandi þekki til grundvallarstraumakerfis hafdjúpanna, geri sér grein fyrir áhrifum væntanlegrar hlýnunar og þekki til umhverfisáhrifa ósonlagsþynningarinnar og hlutverk þrávirkra klórflúorkolefna í því sambandi. Að nemandi geri sér grein fyrir áhrifum súrs regns, geislavirkni og mengunar af völdum þungmálma á lífríkið
UMS 114 Umönnun skóglendis
Kennari: NN
Námsefni: Haukur Ragnarson. 1990. Umhirða skóga. Skógræktarbókin. bls. 157-166.;
Fjölritin; Um göngustígagerð, Um þrepun og Stígagerð og slyskjugerð á göngustígum eftir Böðvar Guðmundsson, Skógarþjónustu ríkisins á Suðurlandi.; Leiðbeiningar við grisjun eftir Böðvar Guðmundson, Skógarþjónustu ríkisins á Suðurlandi.; Skógarhöggstækni eftir Sigurð Blöndal, Þórunni Hálfdánardóttur, Böðvar Guðmundsson og Þór Þorfinnson, Skógarþjónustan.; Umhirða og viðhald keðjusaga eftir Sigurð Blöndal og Böðvar Guðmundsson Skógarþjónusta ríkisins á Suðurlandi.
Nedkvittne, Knut og Anton Arvesen. 1984. Skogsbrukslære. 3.utg. Engers Boktrykeri A/S Otta (Kaflarnir; Skogen i sin uppbyggnad bls. 137-141, Bestandspleje bls. 142-161, Registrering og planlegning bls. 365-388)
Markmið: Að nemandi þekki framför skóglendis frá ungplöntum til hrörnunar bæði hvað varðar ásýnd, grósku og breytingu á vistkerfinu. Þekki helstu leiðir til að meta þá framför sem verður við framvindu í skóglendi. Þekki til þeirra þátta sem hafa áhrif á lifun plantna. Hafi innsýn í hvernig vaxtarmælingar trjáa eru framkvæmdar, ásamt verklegum æfingum. Þekki til umhirðuáætlana og endurnýjunaráætlana skóglendis. Þekki til helstu aðferða við grisjun og grisjunaraðferðir ásamt verklegum æfingum.
Lýsing: Farið er í framför skóglendis frá ungplöntum til hrörnunar bæði hvað varðar ásýnd, grósku og breytingu á vistkerfinu, og helstu leiðir ræddar til að meta þá framför sem verður. Einnig eru þættir sem hafa áhrif á lifun plantna skoðaðir. Farið er í hvernig vaxtarmælingar trjáa eru framkvæmdar, ásamt verklegum æfingum. Farið er í gegnum umhirðuáætlanir skóglendis ásamt endurnýjunaráætlunum. Að lokum er farið í grisjun og grisjunaraðferðir ásamt verklegum æfingum.
UPÚ 113 Uppröðun og útstillingar
Kennari: NN
Námsefni: Matthiesen, Susie Frank . 2001. Blomsterdekoratören. Einnig ljósrit.
Markmið: Að nemandi fái þjálfun í uppstillingum í hin ýmsu rými og fái innsýn í tækni við uppröðun og útstillingar
Lýsing: Lögð verður áhersla á uppstillingar í rými, með sérstakri áherslu á sölurými og verslunarglugga, þannig að litið og form vörunnar fái að njóta sín. Einnig verður fjallað um þá tækni sem þarf til að gera vöruna í verslunum áhugaverða í augum viðskiptavinarins. Verklegar æfingar í uppröðun og útstillingum
VÉL 111 Véla- og verkfærafræði I
Kennari: Fulltrúi frá Vinnueftirliti ríkisins
Námsefni: Bækur, fjölrit og annað efni eftir ábendingum kennara
Markmið: Að nemandi kynnist þeim vinnuvélum sem eru á markaðnum, fái innsýn í gerð og vinnslugetu vinnuvéla og kynnist þeim öryggisbúnaði sem vinnuvélar búa yfir
Lýsing: Um er að ræða svokallað frumnámskeið sem gefur rétt til þess að taka verklegt próf á vinnuvélar. Fjallað er m.a. um lyftara með allt að 10 t. lyftigetu, dráttarvélar með tækjabúnaði, krana minni en 18 tm, valtara og smávélar allt 4 tonna eiginþyngd og malbikunarvélar.
VÉL 211 Véla- og verkfærafræði II
Lokið áður: Véla- og verkfærafræði I
Kennari: Fulltrúi frá Vinnueftirliti ríkisins, Suðurlandi
Námsefni: Bækur og fjölrit eftir ábendingum kennara.
Lýsing: Verklegur undirbúningur fyrir vinnuvélapróf. Nemendur fá að vinna á nokkrum helstu gerðum smá- og dráttarvéla og að lokum þreyta verklegt próf við skólann.
Markmið: Að nemandi fái þjálfun í meðferð tiltekinna vinnuvéla, sem falla undir svokallaðan I-flokk Vinnueftirlits ríkisins.
VÉS 211 Vélar og verkfæri í skrúðgarðyrkju
Lokið áður: Véla- og verkfærafræði I
Kennari: NN
Námsefni: Raunverulegar kynningar tækja. Ljósrit, upplýsingar af veraldarvef og upplýsingabæklingar tækjaframleiðanda og seljenda.
Markmið: Að nemandi fái að kynnast sem flestum tækjum og tólum er henta við skrúðgarðyrkjustörf. Skilji mikilvægi réttrar beitingar verkfæra og nauðsyn þess að afla sér upplýsinga um vélar og verkfæri áður en kaup eru ákveðin.
Lýsing: Áfanginn blandast að miklu leyti inn í verknám í skrúðgarðyrkjufögum. Kynning á verkfærum og beitingu þeirra verður samhliða verknáminu. Helstu tæki til jarðvinnslu, hellulagna, jarðvegsflutninga ásamt tækjum til viðhalds og umhirðu gróðursvæða verða kynnt með heimsóknum til seljanda. Tæki í eigu skólans verða skoðuð og prófuð en í leiðinni rætt um kosti og galla. Undirstöðuatriði rafsuðu (pinnasuðu) verða kynnt. Öryggisbúnaður er hentar skrúðgarðyrkjumönnum við störf verður skoðaður. Nemendur velja sér vél, tæki eða annann búnað er reynst gæti eða reynst hefur vel og skrifa um það greinargerð sem lögð er fyrir bekkinn, munnlega.
VIÐ 111 Viðarvinnsla
Kennari: NN
Námsefni: Einar Gunnarson. 1990. Viðarnytjar. Skógræktarbókin bls. 67-71.; Nedkvittne, Knut og Anton Arvesen. 1984. Skogsbrukslære. 3.utg. Engers Boktrykeri A/S Otta (Kaflarnir Skogsnytting, Trevirkets egenskaper, Virkets behaldling og omsetning av virket bls 325-362).; Ítarefni: Våra skogsträd; Skogsstyrelsens förlag 551 83 Jönköping
Markmið: Að nemandi fái innsýn í notkunarmöguleika helstu nytjaskógviða hérlendis ekki síst með hliðsjón af aldri og þroska trjánna sem felld eru. Þekki helstu aðferðir til þurrkunar hinna ýmsu tegunda trjáviðar. Viti hvernig mismunandi þurrkunaraðferðir og þurrkunarstig hafa áhrif á gæði afurðar. Viti gegnum verklegar æfingar hvernig birking, stauragerð og kurlun eru framkvæmdar
Lýsing: Farið í not og nýtingu helstu trjátegunda sem hérlendis teljast til nytjaskógviða.
Birking, stauragerð og kurlun kennd með áherslu á verklegar æfingar. Einnig er farið í helstu leiðir til þurrkunar trjátegunda nytjaskógviða með hliðsjón af gæðum afurðar.
VIS 114 Vistfræði I
Kennari: Margrét Lilja Magnúsdóttir, BS-120, margretl@lbhi.is
Námsefni: Krebs. 2000. Ecology.; Bjarna Guðleifsson. 1996. Lífið í moldinni., Garðyrkjuritið 1996 bls. 68-90. Heiðrún Guðmundsdóttir. 1997. Uppruni, saga og útbreiðsla íslenska gróðurríkisins með grasafræðilegu ívafi, Kennsluhandrit. Ása L. Aradóttir. 1995-1997. Ástand og uppbygging vistkerfa, ,Græðum Ísland, Árbók landgræðslunnar no VI, bls. 83-94
Lýsing: Kynnt viðfangsefni vistfræðinnar, þ.e. lífverur og umhverfi þeirra ásamt tengslum þar á milli. Farið er í áhrif staðfræðilegra, líffræðilegra , efnafræðilegra og lífeðlisfræðilegra þátta á lífverur. Leitast er við að skapa staðgóða þekkingu á undirstöðuhugtökum vistfræðinnar s.s. fæðuvef, sess, samkeppni, framleiðni o.s.frv. Einnig verður jarðvegurinn sem vistkerfi tekinn fyrir sérstaklega. Gróðurríki Íslands tekið fyrir út frá hnattfræðilegri stöðu landsins, loftslags og jarðvegsskilyrðum s.s. uppblásturs og rofs. Einnig eru helstu einkenni íslensks gróðurfars athuguð. Hluti vinnu í áfanganum er ritgerð sem metin er til einkunnar.
Markmið: Að nemandi fái innsýn í hvað það er sem gerir lífverunni kleift að vaxa, þroskast og fjölga sér við ákveðin umhverfisskilyrði. Fái innsýn í þýðingu staðfræði-, líffræði-, efnafræði-, og lífeðlisfræðilegra þátta í innbyrðis tengslum milli lífverutegunda. Öðlist færni í því að nota ýmis grundvallarhugtök vistfræðinnar s.s. framleiðni, fæðuvefur, sess, samkeppni o.fl. Öðlist skilning á jarðveginum sem vistkerfi, því lífkerfi og þeim fæðuvefjum sem þar er að finna. Geti í stórum dráttum gert sér grein fyrir þeim efnaskiptum sem fram fara í jarðvegi og hvað það er sem ræður frjósemi jarðvegs. Sé fær um að staðsetja Ísland í lífbelti út frá hnattfræðilegri stöðu, loftslags- og jarðvegsskilyrðum. Geti gert sér grein fyrir helstu einkennum íslensks gróðurfars og hversu vel þau samræmast því lífbelti sem Ísland er staðsett í.
VIS 213 Vistfræði II
Lokið áður: Vistfræði I
Kennari: Margrét Lilja Magnúsdóttir, BS-120, margretl@lbhi.is
Námsefni: Ása L. Aradóttir. 1995 Gróðurfarsfræði, kaflar 1 og 3-6. Ingvi Þorsteinsson. 1981 Gildi úthagans og beitarþolsrannsóknir, bls. 5-10 í Íslenskar landbúnaðarrannsóknir 12.2.; Ingvi Þorsteinsson. 1981. Gróðurskilyrði, gróðurfar, uppskera gróðurlenda og plöntuval búfjár, bls. 85-125 í Íslenskar landbúnaðarrannsóknir 12.2. Ása L. Aradóttir. 1995-1997. Ástand og uppbygging vistkerfa, Græðum Ísland. bls. 83-95, í Árbók landgræðslubókinni VI.; Anna Guðrún Þórhallsdóttir. 1989. Beitarval og bætt nýting beitilands, , Ráðunautafundur 1989, Búnaðarfélag Íslands og RALA bls. 34-39. Heimskautasvæði Norðurlanda, ósnortið, ofnýtt mengað, bls 173-175 (súrnun), bls. 183-189 (þungmálmar), bls 211 og bls. 218-219 (Óson og útfjólublá geislun). Nord 1996:25. Leisner, Marianne. 1996. Villrosen (bls 26-71 og 110-115). A/S Lantbruksforlaget , Oslo.
Lýsing: Áhrif rasks á framvindu gróðursamfélaga könnuð. Dreifing og nýliðun háplantna í mismunandi gróðursamfélögum athuguð, ásamt áhrifum beitar á gróðurfar. Farið í áhrif ræktunar og landgræðslu ásamt áhrifa fleiri gerða landnýtingar. Áhrif mengunar á vistkerfi skoðuð í ljósi þanþols tegunda og vistkerfa. Farið verður í hvernig auka má frjósemi lands til frambúðar með vistvænum aðgerðum.
Markmið: Að nemandi skilji áhrif rasks á framvindu í gróðursamfélögum. Þekki til dreifingar og nýliðunar háplantna í mismunandi gróðursamfélögum og hvaða áhrif beit hefur á gróðurfar. Fái innsýn í áhrif ræktunar og landgræðslu á vistkerfi ásamt áhrifum fleiri gerða landnýtingar. Skilji áhrif mengunar á vistkerfi með tilliti til þanþols einstakra tegunda innan þeirra og einnig þanþols vistkerfisins í heild og þekki til helstu leiða til þess að auka frjósemi lands til frambúðar með vistvænum aðgerðum
VOV 112 Vinna og verkstjórn
Kennari: Magnús Hlynur Hreiðarsson, garðyrkjufræðingur, mhh@lbhi.is
Námsefni: Bækur og fjölritað efni eftir ábendingum kennara
Markmið: Að nemandi fái þekkingu á skipulagningu og starfsemi félaga, þjálfun í framkomu í ræðustóli, framsögn og ræðugerð. Fái innsýn í félagskerfi garðyrkjunnar. Öðlist þekkingu á grunnatriðum verkstjórnar, framkomu á vinnustað o.fl. og fái innsýn í grunnatriði vinnuvistfræði.
Lýsing: Kynnt verða og þjálfuð grunnatriði verkstjórnar, framkoma á vinnustað, boðskipti, samskipti o.fl. Kynnt verða grunnatriði vinnuvistfræði, réttar hreyfingar við vinnu o.fl. Kynnt verða lauslega helstu atriði er varða félagskerfi garðyrkju og umhverfismála og tengslum þeirra við félagskerfi landbúnaðarins sem og helstu fyrirtæki sem á einn eða annan hátt eru tengd garðyrkju og garðyrkjuframleiðslu. Skipulagning og starfsemi félaga, boðun og stjórnun funda. Talað mál, framkoma í ræðustóli, framsögn og ræðugerð.
YLR 114 Almenn ylræktun
Kennari: Björn Gunnlaugsson, cand.agro., bjorng@lbhi.is
Námsefni: Bævre, O.A. og Gislerød, H. R. 1999. Plantedyrking i regulert klima. Landbruksforlaget
Markmið: Að nemandi kunni skil á grundvallaratriðum ræktunar í gróðurhúsum
Lýsing: Kennt um gróðurhúsið sem vaxtarstað plantna og sem framleiðslutæki. Áhersla lögð á að kenna um stýringu einstakra vaxtarþátta og samspil þeirra. Í tengslum við það fjallað um birtu og vaxtarlýsingu, stýringu á hita, raka og loftsamsetningu. Auk þess fjallað um vaxtarstýriefni, jarðveg og sótthreinsun hans, ílát til ræktunar og þrif og sótthreinsun gróðurhúsa.
Til baka - efst á síðu